ايماقتار • 20 قازان، 2021

سقو-دا ادام ساۋداسى بويىنشا مەملەكەتارالىق ىزدەۋدە جۇرگەن شەتەلدىك ۇستالدى

47 رەت كورسەتىلدى

اپتا بويى بازارلار، قۇرىلىس نىساندارى، فەرمەرلىك شارۋاشىلىقتار مەن وزگە دە نىساندار سولتۇستىك قازاقستاندىق پوليتسەيلەردىڭ ەرەكشە نازارىندا بولدى. ناتيجەسىندە سقو پوليتسەيلەرى مەملەكەتارالىق ىزدەۋدە جۇرگەن شەتەل ازاماتىن قولعا ءتۇسىردى، دەپ حابارلايدى Egemen.kz.

بۇل تۋرالى ىشكى ىستەر مينيسترلىگى مالىمدەدى.

«وبلىستا «نەلەگال — كوردون» جەدەل-پروفيلاكتيكالىق ءىس-شاراسى ءوتتى. ونىڭ ماقساتى ءتيىستى قۇقىقتىق ءتارتىپتى قامتاماسىز ەتۋ، وبلىس اۋماعىنا زاڭسىز كەلەتىن ادامداردى انىقتاۋ، زاڭسىز كوشى-قون ارناسىنىڭ جولىن كەسۋ.

تەكسەرىس ناتيجەسى بويىنشا 19 جۇمىس بەرۋشى شەتەلدىك جۇمىس كۇشىن پايدالانعانى ءۇشىن اكىمشىلىك جاۋاپكەرشىلىككە تارتىلدى. زاڭنامانى بۇزعانى ءۇشىن باسقا مەملەكەتتەردىڭ 44 ازاماتىنىڭ بولۋ مەرزىمى قىسقارتىلدى، 22-ءسى – ەلدەن تىس جەرگە شىعارىلدى»، - دەپ جازادى مينيسترلىك.

بۇدان بولەك، ءتورت شەتەلدىك قر اكىمشىلىك قۇقىق بۇزۋشىلىق تۋرالى كودەكسىنىڭ 449-بابى (قوعامدىق ورىنداردا ءتيىسۋ) بويىنشا جاۋاپقا تارتىلدى.

«بارلىعى جەدەل-پروفيلاكتيكالىق ءىس-شارا وتكەن كەزەڭدە شەتەلدىكتەردىڭ بولۋ ەرەجەلەرىنىڭ 250 بۇزۋشىلىعى انىقتالدى. 191 جاعدايدا قر ازاماتتارى جاۋاپكەرشىلىككە تارتىلعانىن ايتا كەتكەن ءجون. قابىلداۋشى تۇلعانىڭ كەلەتىن يمميگرانتتار تۋرالى ىشكى ىستەر ورگاندارىنا ۋاقتىلى حاباردار ەتۋىن، كەلۋ قۇقىعىنا ءتيىستى قۇجاتتاردى رەسىمدەۋ بويىنشا شارالار قابىلداۋىن ەسكە سالامىز. بۇدان بولەك، زاڭنامانى بۇزىپ، قر-عا كەلەتىن شەتەلدىككە نەمەسە ازاماتتىعى جوق ادامعا تۇرعىن جاي بەرۋگە زاڭ تىيىم سالادى. بارلىق سۇراقتار بويىنشا كونسۋلتاتسيا الۋ ءۇشىن كوشى-قون قىزمەتىنە جۇگىنۋدى كەڭەس ەتەمىز»، دەيدى سقو پد كوشى-قون قىزمەتى باسقارماسى باستىعىنىڭ مىندەتىن اتقارۋشى ەرمەك نۇسىرباەۆ

سونداي-اق ءىس-شارا بارىسىندا ءۇش قىلمىسكەر ۇستالدى. ونىڭ بىرەۋى ادام ساۋداسى بويىنشا مەملەكەتارالىق ىزدەۋدە بولعان. ول سقو ەسىل اۋدانىندا زاڭنان جاسىرىنىپ جۇرگەن. قازىرگى ۋاقىتتا قاماققا الىنىپ، ىزدەۋ باستاماشىسىنا حابارلاما جىبەرىلدى.

 

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار