رۋحانيات • 20 قازان، 2021

قالامگەرلەر قاۋىشۋى

95 رەت كورسەتىلدى

اقتوبەدە «ادەبيەت. رۋح. قوعام» ادەبي فورۋمى بولدى. وسىمەن ءۇشىنشى جىل قاتارىنان وتكىزىلىپ كەلە جاتقان فورۋم جۇمىسىنا قازاقستان جازۋشىلار وداعىنىڭ توراعاسى ۇلىقبەك ەسداۋلەت، اقىندار باۋىرجان جاقىپ، ەلەنا ابدىحالىقوۆا، جازۋشى مەرەكە قۇلكەنوۆ، كومپوزيتور قالدىبەك قۇرمانالى، مادەنيەت جانە سپورت مينيسترلىگىنىڭ وكىلدەرى مەن وڭىردەگى ادەبيەتسۇيەر قاۋىم قاتىستى.

ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە وتكەن جيىننىڭ اشىلۋ راسىمىندە ءوڭىر باسشىسى وڭداسىن ورازالين ەل تاۋەلسىزدىگىنىڭ 30 جىلدىعى قارساڭىندا، «رۋحاني جاڭعىرۋ» باعدارلاماسى اياسىندا ۇيىمداستىرىلعان ءداستۇرلى «ادەبيەت. رۋح. قوعام» فورۋمىنا جينالعانداردى قۇتتىقتادى. «الاش قوزعالىسىنىڭ كوشباسشىسى احمەت بايتۇرسىنوۆتىڭ ء«وز تىلىندە سويلەيتىن جانە ءوز ادەبيەتى بار حالىق قانا دەربەس ومىرگە ۇمىتكەر بولا الاتىنىن ەشقاشان ۇمىتپاۋىمىز كەرەك» دەگەن ءسوزىن ەستە ۇستاساق، فورۋمنىڭ باستى ماقساتى –قازاق ادەبيەتىندە ەلەۋلى ءىز قالدىرعان اقتوبە ءوڭىرىنىڭ كورنەكتى تۇلعالارىنىڭ ەسىمدەرىن تانىمال ەتۋ جانە جاڭا تالانتتاردى انىقتاۋ»، دەي وتىرىپ، ءوڭىر باسشىسى سوڭعى جىلدارى اقتوبە وبلىسىندا قازاق مادەنيەتى مەن ادەبيەتىن ناسيحاتتاۋ جانە دارىپتەۋ بويىنشا جۇزەگە اسىرىلعان جوبالارعا قىسقاشا توق­تالدى. سوڭعى جىلدارى اقتوبەدە ال­تىن وردا ءداۋىرىنىڭ قولباسشىسى جانە مەم­لەكەت قايراتكەرى ەر ەدىگەنىڭ، ۇلى ويشىل اباي قۇنانباەۆتىڭ ەسكەرت­كىشتەرى اشىلدى. كيەلى نىسانداردى جاڭعىرتۋ ماقساتىندا دا ءىرى جوبالار ىسكە اسىرىلىپ جاتىر. ماسەلەن، التىن وردا ءداۋىرىنىڭ ەسكەرتكىشى – ابات بايتاق كەسەنەسى مەن حان مولاسى مەمو­ريالدىق كەشەنىنە كۇردەلى جوندەۋ جۇمىستارى جۇرگىزىلىپ، ءحىح عاسىردىڭ كورنەكتى ءدىني قايراتكەرى، اعارتۋشىسى دوسجان قاشاق ۇلى حازىرەت كەسەنەسى مەن مەشىتى قايتا قالپىنا كەلتىرىلدى. ەكى جىل بۇرىن تەمىر اۋدانىنداعى تاسقوپا قورىمىنان تابىلعان سارمات ءداۋىرىنىڭ ەسكەرتكىشى – التىن ادامنىڭ كيىمدەرى قالپىنا كەلتىرىلدى. تاسقوپا جادىگەرىنە ارنالىپ، بەلگىلى عالىمدار مەن قوعام قايراتكەرلەرىنىڭ قاتىسۋىمەن عىلىمي-پراكتيكالىق كونفەرەنتسيا وت­كىزىلدى. سونداي-اق اقتوبە وبلىسىنان شىق­­قان بەلگىلى اقىن-جازۋشىلاردىڭ ۇزدىك شى­عارمالارىنىڭ جيناعى شى­عارىلدى.

ايتا كەتەيىك، ەكى كۇندىك فورۋم اياسىندا «ەدىگە دەگەن ەر ەكەن» اتتى رەسپۋب­ليكالىق جىرشىلار بايقاۋى، تابىلدى دوسىموۆ اتىنداعى بارد اندەرىن ورىن­داۋشىلاردىڭ رەسپۋبليكالىق كونكۋرسى دا ۇيىمداستىرىلدى.

فورۋم اياسىندا ءبىر جىل بۇرىن جا­ريالانعان ادەبي بايقاۋدىڭ 10 نوميناتسياسى بويىنشا جەڭىمپازدار ماراپاتتالدى. ادەبي شىعارمالار بايگەسىندە جۇيرىك شىققان قالامگەرلەرگە تولەگەن ايبەرگەنوۆ، ساعي جيەنباەۆ، وتەجان نۇر­عاليەۆ، توبىق جارماعامبەتوۆ، قا­جىعالي مۇحامبەتقالي ۇلى، تاحاۋي احتانوۆ، باكىر تاجىباەۆ، ۇمبەتباي ۋايدين، قۋان­دىق شاڭعىتباەۆ، ءىزتاي مامبەتوۆ اتىنداعى سىيلىقتار تاعايىندالىپ، جاس قالام­گەرلەرگە ستيپەنديالار تابىس ەتىلدى.

وسى كۇنى اقتوبە قالاسىنىڭ اعا­يىن­­دى جۇبانوۆتار كوشەسىندە كوم­پوزيتور ءشامشى قالداياقوۆ پەن اقىن تولەگەن ايبەرگەنوۆكە قوس بىردەي ەسكەرت­كىش اشىلدى. بۇل راسىمگە ءشامشى قال­دايا­قوۆ­تىڭ اپكەسى رايحان دومباەۆا جانە اقىن تولەگەن ايبەرگەنوۆتىڭ قىزى ما­حاببات ايبەرگەنوۆا دە قاتىستى. ءشامشى قالداياقوۆتىڭ اتالارى حرومتاۋ اۋدانىنداعى قاراباز دەگەن جەردە تۇرعان. تولەگەن ايبەرگەنوۆتىڭ اتالارى 1916 جىلعى ۇلت-ازاتتىق كوتەرىلىس كە­زىندە قازىرگى بايعانين (بۇرىنعى تابىن) اۋدانىنان قاراقالپاق جەرىنە كوشىپ كەتكەن. ايتا كەتۋ كەرەك، بۇل – ەلىمىزدە تو­لەگەن ايبەرگەنوۆ ومىردەن وتكەننەن كەيىن جارتى عاسىردان سوڭ قويىلعان تۇڭعىش ەسكەرتكىش.

فورۋم سوڭىندا ادەبيەتسۇيەر وقىر­­مانداردىڭ باسىن قوسىپ، جاستار شى­عارماشىلىعىن دامىتۋدا وسىنداي باسقوسۋلاردى جىل سايىن وتكىزۋدى قا­لىپتى ۇردىسكە اينالدىرۋ جونىندە ايتىلدى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار