«قازىرگى ۋاقىتتا اگەنتتىك الدىندا مەملەكەت باسشىسىنىڭ پرەزيدەنتتىك جاستار كادر رەزەرۆىن (پجكر) قالىپتاستىرۋ تۋرالى تاپسىرماسىن ىسكە اسىرۋ مىندەتى تۇر. قازىرگى ۋاقىتتا ىرىكتەۋدىڭ ءۇش كەزەڭى ءوتتى, ولار: قۇجاتتاردى قابىلداۋ, ۆەربالدى جانە ساندىق تەستىلەۋ جانە ولاردى ۆەريفيكاتسيالاۋ, سيتۋاتسيالىق تاپسىرمالاردى شەشۋ.
سيتۋاتسيالىق تاپسىرمالاردى شەشۋ – بۇل ۇمىتكەرلەردىڭ سيتۋاتسيالىق تاپسىرمالار تۇرىندە جاسالعان ناقتى پروبلەمالاردى شەشۋگە كوزقاراسىن باعالاۋ. بۇل كەزەڭ اعىمداعى جىلدىڭ 12 قازانىنان باستاپ 17 قازانىنا دەيىن وتكىزىلدى.
ەكىنشى كەزەڭنىڭ قورىتىندىسى بويىنشا 3-كەزەڭ – سيتۋاتسيالىق تاپسىرمالاردى شەشۋگە 514 ادام جىبەرىلدى.
ءۇشىنشى كەزەڭنىڭ قورىتىندىسى بويىنشا 4-كەزەڭگە 235 ۇمىتكەر ءوتتى, بۇل كەزەڭ اعىمداعى جىلدىڭ 25 قازانىندا باستالادى»,-دەپ مالىمدەدى مارات داۋەشوۆ.
ءتورتىنشى كەزەڭ – بۇل مىناداي 2 بلوكتان تۇراتىن قۇزىرەتتەردى باعالاۋ كەزەڭى: اسسەسسمەنت-ورتالىق جانە قۇزىرەتتەر بويىنشا سۇحبات.
اسسەسسمەنت-ورتالىق مىنەز-ق ۇلىق ينديكاتورلارىنىڭ جيىنتىعى ارقىلى ۇمىتكەرلەردىڭ ستراتەگيالىق ويلاۋ, پرواكتيۆتىلىك, قىزمەتتى باسقارۋ, كوماندالىق كوشباسشىلىق, سەندىرە ءبىلۋ سياقتى قۇزىرەتتەرىن انىقتاۋعا جانە باعالاۋعا باعىتتالعان. بۇل بلوك وففلاين-فورماتتا وتكىزىلەتىن بولادى.
قۇزىرەتتەر بويىنشا سۇحبات قازاقستان رەسپۋبليكاسىنىڭ كاسىبي HR-مەنەدجەرلەرىنىڭ قاتىسۋىمەن ونلاين-فورماتتا جۇرگىزىلەدى. وسى باعالاۋ بلوگىنىڭ ماقساتى ۇمىتكەرلەردىڭ ىشكى ىنتا-جىگەرىن جانە ولاردىڭ قۇندىلىق باعدارلارىن ايقىندايتىن قۇزىرەتتەردى انىقتاۋ بولىپ تابىلادى.
ەستەرىڭىزگە سالا كەتەيىك, مەملەكەت باسشىسىنىڭ تاپسىرماسىنا سايكەس مەملەكەتتىك قىزمەت ىستەرى اگەنتتىگى 2021 جىلى پرەزيدەنتتىك جاستار كادر رەزەرۆىنە ەكىنشى ىرىكتەۋدى جۇرگىزىپ وتىر, ءبىرىنشى ىرىكتەۋ 2019 جىلى وتكەن بولاتىن.
وسى جىلعى ىرىكتەۋ قورىتىندىسى بويىنشا رەزەرۆكە 50 ۇمىتكەر الىنادى.
پرەزيدەنتتىك جاستار كادر رەزەرۆىنىڭ ماقساتى قوعامدىق جانە مەملەكەتتىك مۇددەلەردى باسشىلىققا الاتىن جاس تالانتتاردى انىقتاۋ بولىپ تابىلادى.
