«اتىراۋ وبلىسى اكىمىنىڭ ورىنباسارى قايرات نۇرلىباەۆقا قاتىستى قىلمىستىق ءىس بويىنشا پروكۋروردىڭ 2021 جىلعى 13 شىلدەدەگى قاۋلىسىمەن ول «بۇيىرعىن» اۋىل شارۋاشىلىعى وندىرىستىك كووپەراتيۆىنە 83,7 ميلليون تەڭگە كولەمىندە ينۆەستيتسيالىق سۋبسيديانى زاڭسىز تولەۋ ارقىلى بيۋدجەت قاراجاتىن ىسىراپ ەتۋ دەرەگى بويىنشا قىلمىستىق ءىس بويىنشا كۇدىكتى دەپ تانىلدى», دەلىنگەن حابارلامادا.
ينۆەستيتسيالىق سۋبسيديالار كەلىسىمشارتتارىن جاساۋ جانە ينۆەستيتسيالىق سۋبسيديالاردى تولەۋ قايرات نۇرلىباەۆتىڭ اتىراۋ وبلىسى اۋىل شارۋاشىلىعى باسقارماسىنىڭ باسشىسى بولىپ جۇمىس ىستەگەن كەزىندە, 2019 جىلدىڭ 26 ماۋسىمىنان 4 جەلتوقسانىنا دەيىن جۇزەگە اسىرىلعان. بۇل لاۋازىمعا ول 2019 جىلدىڭ 5 ماۋسىمىندا تاعايىندالعان. بۇگىندە «بۇيىرعىن» كووپەراتيۆى 83,7 ميلليون تەڭگە قارىزدى تولىق كولەمدە وتەگەن.
