ۇكىمەت • 19 قازان، 2021

اسقار مامين اكىمدەرگە جۇمىستارىن جانداندىرۋدى تاپسىردى

55 رەت كورسەتىلدى

قر پرەمەر-ءمينيسترى اسقار مامين بىرقاتار ءوڭىردىڭ اكىمىنە «اۋىل – ەل بەسىگى» اياسىنداعى جوبالاردى ىسكە اسىرۋ جۇمىستارىن جانداندىرۋدى تاپسىردى، دەپ حابارلايدى Egemen.kz.

«اۋىل – ەل بەسىگى» جوباسىنىڭ باستى ماقساتى – اۋىلدىق اۋماقتاردىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋ ارقىلى اۋىلداعى حالىقتىڭ تۇرمىس ساپاسىن جاقسارتۋ بولىپ تابىلادى. وسى باعدارلاما بويىنشا 3 561 اۋىل ىرىكتەپ الىندى، ولاردا 6،9 ملن ادام تۇرىپ جاتىر، بۇل اۋىل حالقىنىڭ - 89 پايىزى»، دەدى اسقار مامين بۇگىن ۇكىمەت وتىرىسىندا.

ۇكىمەت باسشىسىنىڭ ايتۋىنشا، 2019-2020 جىلدارى تۇرعىن ءۇي-كوممۋنالدىق شارۋاشىلىق، كولىك، ءبىلىم بەرۋ، دەنساۋلىق ساقتاۋ، مادەنيەت جانە سپورت سالالارىندا «اۋىل – ەل بەسىگى» جوباسىنىڭ اياسىندا جانە دە جۇمىسپەن قامتۋدىڭ جول كارتاسى، «نۇرلى جول» جانە «نۇرلى جەر» باعدارلامالارىنىڭ اياسىندا، بارلىق قارجىلاندىرۋ كوزدەرىنەن 618 ملرد تەڭگەنى كۇرايتىن 12 مىڭ جوبا ىسكە اسىرىلدى.

«بيىلعى جىلى «اۋىل – ەل بەسىگى» جوباسىن ىسكە اسىرۋ اياسىندا جوبالاردى تاپسىرۋ مەن بولىنگەن بيۋدجەت قاراجاتىن يگەرۋ بويىنشا پاۆلودار، قوستاناي، جامبىل، شىعىس قازاقستان وبلىستارى جاقسى سەرپىن كورسەتىپ وتىر. جىل سوڭىنا دەيىن 2،5 اي عانا قالدى، بارلىق اكىمدىكتەر، اسىرەسە، الماتى، قىزىلوردا جانە اتىراۋ وبلىستارى جوبالاردى ىسكە اسىرۋ بويىنشا جۇمىستى جانداندىرۋ قاجەت»، دەدى پرەمەر-مينيستر.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار