قازاقستان • 18 قازان، 2021

قازاقستان مەن شۆەتسيا ءسىم اراسىنداعى ىنتىماقتاستىق تالقىلاندى

58 رەت كورسەتىلدى

بەينەكونفەرەنتسيا فورماتىندا قازاقستان مەن شۆەتسيا سىرتقى ىستەر مينيسترلىكتەرى اراسىندا ساياسي كونسۋلتاتسيالاردىڭ 3-ءشى راۋندى ءوتتى، دەپ حابارلايدى Egemen.kzء سىم-ءنىڭ ءباسپاسوز قىزمەتىنە سىلتەمە جاساپ.

قازاقستاندىق دەلەگاتسياعا سىرتقى ىستەر ءمينيسترىنىڭ ورىنباسارى ەرلان الىمباەۆ، شۆەتسيانىكىنە – ءسىم باس ديرەكتورىنىڭ ورىنباسارى اندرەاس فون بەكەرات جەتەكشىلىك ەتتى.

تاراپتار ەكىجاقتى جانە كوپجاقتى ىنتىماقتاستىق ماسەلەلەرىن تالقىلاۋ ءۇشىن نۇر-سۇلتان مەن ستوكگولم اراسىنداعى جوعارى دەڭگەيدەگى بايلانىستاردىڭ تۇراقتىلىعىن اتاپ ءوتتى.

اتاپ ايتقاندا، تاراپتار ەكى ەل سىرتقى ىستەر مينيسترلىكتەرىنىڭ بۇۇ، ەۋروپا كەڭەسى مەن ەۋروپالىق وداق قىزمەتتەرى شەڭبەرىندەگى ءوزارا ارەكەتتەستىگى ماسەلەلەرىن تالقىلادى. ە. الىمباەۆ شۆەد تاراپىن قازاقستاندا اعىمداعى ساياسي جانە ەكونوميكالىق وزگەرىستەر تۋرالى حاباردار ەتتى. بۇدان باسقا، شۆەتسيانىڭ ەقىۇ-عا قازىرگى توراعالىعىن نازارعا الا وتىرىپ، تاراپتار ۇيىم شەڭبەرىندەگى ىنتىماقتاستىقتى، سونداي-اق وسى جىلعى جەلتوقساننىڭ باسىندا ستوكگولمدە ەقىۇ-نىڭ سىرتقى ىستەر مينيسترلەرىنىڭ كەزەكتى كەزدەسۋىن وتكىزۋگە دايىندىق بارىسىن تالقىلادى.

كونسۋلتاتسيالار بارىسىندا اۋعانستانداعى جاعداي جانە اتالعان ەلدە گۋمانيتارلىق جانە ازىق-ت ۇلىك داعدارىستارىنىڭ الدىن الۋعا حالىقارالىق قاۋىمداستىقتىڭ قولداۋى بويىنشا پىكىر الماسۋ ورىن الدى.

جاھاندىق ەكونوميكانى كوۆيد-19 پاندەمياسى سالدارىنان قالپىنا كەلتىرۋ اياسىندا تاراپتار ساۋدا-ينۆەستيتسيالىق بايلانىستى دامىتۋدىڭ پەرسپەكتيۆالىق باعىتتارىن، سونداي-اق شۆەتسيا بيزنەسىنىڭ قازاقستان ەكونوميكاسىنىڭ تاماق ونەركاسىبى، تابيعي رەسۋرستار، اقپاراتتىق كوممۋنيكاتسيالار جانە دەنساۋلىق ساقتاۋ سياقتى سالالارىنداعى قىزمەتىن كەڭەيتۋ مۇمكىندىكتەرىن تالقىلادى.

سوڭعى جاڭالىقتار

ۇقساس جاڭالىقتار