پرەزيدەنت • 18 قازان، 2021

مەملەكەت باسشىسى جاڭا زاڭعا قول قويدى

275 رەت كورسەتىلدى

مەملەكەت باسشىسى قاسىم-جومارت توقاەۆ «تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن گۋمانيتارلىق ميناسىزداندىرۋ ينجەنەرلىك بولىمشەسى تۋرالى كەلىسىمدى راتيفيكاتسيالاۋ تۋرالى» زاڭعا قول قويدى، دەپ حابارلايدى Egemen.kz اقورداعا سىلتەمە جاساپ.

تمد-نىڭ التى مەملەكەتى قول قويعان كەلىسىم قارۋلى كۇشتەردىڭ بىرلەسكەن بايلانىس جۇيەسىن قۇرۋدى كوزدەيدى.

كەلىسىمنىڭ نەگىزگى مىندەتتەرى:

  • بايلانىس قىزمەتتەرىن كورسەتۋ جانە قارۋلى كۇشتەردى باسقارۋ جۇيەسىندە جانە قارۋلى كۇشتەر اراسىندا اقپاراتتىڭ بارلىق تۇرلەرىمەن الماسۋدى قامتاماسىز ەتۋ;
  • تمد فورماتىندا قۇرىلعان اسكەري نىسانداعى ءوزارا ءىس-قيمىلدىڭ بىرلەسكەن جۇيەلەرىنىڭ جۇمىس ىستەۋىن قامتاماسىز ەتۋ.

سونداي-اق، كەلىسىم جالپىعا ورتاق پايدالانىلاتىن ۇلتتىق بايلانىس جۇيەلەرىمەن جانە ارنايى ماقساتتاعى بايلانىس جەلىلەرىمەن ۇيلەسىمدىلىك ءۇشىن قاجەتتى بايلانىس تالاپتارىنىڭ ورىندالۋىن قامتاماسىز ەتۋدى كوزدەيدى.

بىرىڭعاي تەحنيكالىق تاسىلدەر مەن قازىرگى زامانعى اسكەري تەحنيكامەن جانە جابدىقپەن باسىم جاراقتاندىرۋ نەگىزىندە قۇرىلاتىن بىرلەسكەن بايلانىس جۇيەسى مەملەكەتتەر قارۋلى كۇشتەرىنىڭ جاۋىنگەرلىك قابىلەتىن ارتتىرادى دەپ كۇتىلۋدە.

سونىمەن قاتار، قاسىم-جومارت توقاەۆ «تمد-نىڭ بىرلەسكەن گۋمانيتارلىق ميناسىزداندىرۋ بولىمشەسى تۋرالى» كەلىسىمگە قول قويدى.

زاڭنىڭ نەگىزگى مىندەتتەرى:

  • بىرلەسكەن بولىمشە قۇرۋ - مينالار مەن جارىلىس قاۋپى بار زاتتاردىڭ بولۋىنا ارنالعان مينالار مەن وبەكتىلەردى تەحنيكالىق بارلاۋ، سونداي-اق ولاردى مينادان تازارتۋ;
  • بۇرىن ۇرىس قيمىلدارى جۇرگىزىلگەن اۋدانداردى مينالاردان جانە جارىلىس قاۋپى بار زاتتاردان تازارتۋ;
  • تابىلعان مينالار مەن جارىلىس قاۋپى بار زاتتاردى زالالسىزداندىرۋ بولىپ تابىلادى.

كەلىسىم تاۋەلسىز مەملەكەتتەر دوستاستىعىنا قاتىسۋشى مەملەكەتتەر بولىپ تابىلمايتىن مەملەكەتتەردىڭ اۋماقتارىندا گۋمانيتارلىق ميناسىزداندىرۋ مىندەتتەرىن ورىنداۋعا بىرلەسكەن بولىمشەنى تارتۋ مۇمكىندىگىن كوزدەيدى.

سوڭعى جاڭالىقتار

ۇقساس جاڭالىقتار