قازاقستان • 18 قازان، 2021

ديزەل وتىنىنا قاتىستى جاعداي قايتالانباۋى كەرەك - ەنەرگەتيكا ءمينيسترى

129 رەت كورسەتىلدى

ەنەرگەتيكا ءمينيسترى ماعزۇم مىرزاعاليەۆ اتىراۋ مۇناي وڭدەۋ زاۋىتىندا ديزەل وتىنىمەن قامتاماسىز ەتۋ ماسەلەلەرى بويىنشا كەڭەس وتكىزدى، دەپ حابارلايدى Egemen.kz.

ايتا كەتۋ كەرەك، تامىز-قىركۇيەك ايلارىندا قازاقستاندا ديزەل وتىنىن تۇتىنۋدىڭ قالىپتى ءوسۋى تىركەلدى.

«بۇگىنگى تاڭدا جاعداي قولمەن باسقارۋ رەجيمىنە كوشتى. ەنەرگەتيكا مينيسترلىگى ءبىزدىڭ الدىمىزعا نارىقتى تەز ارادا تۇراقتاندىرۋ جانە ساپالى وتىنمەن قامتاماسىز ەتۋ مىندەتىن قويدى. كۇن سايىن شىمكەنت زاۋىتىندا شامامەن 5،5 مىڭ توننا ديزەل وتىنى، اتىراۋدا – شامامەن 4،4 مىڭ توننا وندىرىلەدى»، دەپ حابارلادى «قازمۇنايگاز» ۇك اق باسقارما توراعاسىنىڭ ورىنباسارى دانيار تيەسوۆ.

14 كۇن ىشىندە ەكى زاۋىت 133 مىڭ توننا ديزەل وتىنىن ءوندىردى، بۇل جوسپارلى كورسەتكىشتەردەن 4 مىڭ تونناعا ارتىق.

وسى جىلدىڭ 9 ايىندا ءۇش ءموز-دە 3،7 ملن توننا ديزەل وتىنى ءوندىرىلدى.

بۇدان باسقا، مۇناي ونىمدەرى نارىعىنداعى اعىمداعى جاعدايعا بايلانىستى اتىراۋ ءموز-ءىن جوندەۋ مەرزىمىن كەلەسى جىلعا اۋىستىرۋ تۋرالى شەشىم قابىلدانعانى بەلگىلى بولدى.

ءوز كەزەگىندە ەنەرگەتيكا ءمينيسترى مۇناي وڭدەۋ كومپانيالارىنىڭ باسشىلارىنان كاسىپورىنداردىڭ ۇزدىكسىز جۇمىسىن قامتاماسىز ەتۋدى تالاپ ەتتى.

ء«موز باسشىلىعى مەن ۇجىمىنىڭ ءبىرىنشى كەزەكتەگى مىندەتى - زاۋىتتىڭ سەنىمدى جانە تۇراقتى جۇمىس ىستەۋى. زاۋىتتىڭ ىستەن شىعۋىنىڭ ءارتۇرلى سەبەپتەرىن اتاۋعا بولادى. بىراق ەلىمىز وتىن قورىنسىز قالعان وسىنداي جاعداي قايتالانباۋى ءتيىس»، دەدى مىرزاعاليەۆ.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار