ساياسات • 18 قازان، 2021

اعا بۋىننىڭ العا قويعان ماقساتى كوپ

502 رەت كورسەتىلدى

جۋىردا رەسپۋبليكالىق «ارداگەرلەر ۇيىمى» قوعامدىق بىرلەستىگىنىڭ كەزەكتى ءVIIى سەزى ەلدەگى ەپيدەميالىق جاعدايعا بايلانىستى ونلاين رەجىمدە ءوتتى.

سەزگە پرەمەر-ءمينيستردىڭ ورىنباسارى ەرالى توعجانوۆ، ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ، «سامۇرىق-قازىنا» اق قوعاممەن جانە ۇكىمەتپەن بايلانىس جونىندەگى باسقارۋشى ديرەكتورى مارات ايتەنوۆ، مەملەكەتتىك ورگان باسشىلارى مەن قوعامدىق ۇيىمداردىڭ، بۇقارالىق اقپارات قۇرالدارىنىڭ وكىلدەرى قاتىستى.

سەز جۇمىسىندا مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن پرەمەر-ءمينيستردىڭ ورىنباسارى ەرالى توعجانوۆ وقىدى. «ارداقتى ارداگەرلەر! قۇرمەتتى قاۋىم! سىزدەردى رەسپۋبليكالىق «ارداگەرلەر ۇيىمىنىڭ» ءVIIى سەزىنىڭ اشىلۋىمەن قۇتتىقتايمىن. ەكى ميلليوننان استام مۇشەسى بار بۇل قۇرىلىم – قازاقستانداعى ءىرى قوعامدىق بىرلەستىكتىڭ ءبىرى. ەڭ الدىمەن، بارشاڭىزعا ەلىمىزدى وركەندەتۋگە قوسقان ولشەۋسىز ۇلەستەرىڭىز ءۇشىن شىنايى ريزاشىلىعىمدى بىلدىرەمىن! بۇگىنگى بەيبىت ءارى بەرەكەلى ءومىرىمىز – اعا بۋىننىڭ قاجىرلى ەڭبەگىنىڭ جەمىسى. سىزدەر وتكەن عاسىرداعى زور قيىندىقتار مەن اۋىر سىناقتاردى ەڭسەرىپ، جارقىن بولاشاعىمىزعا جول اشتىڭىزدار. تاۋەلسىزدىك كەزەڭىندە جاڭا قازاقستاندى قۇرۋ جولىندا جۇمىلا جۇمىس اتقاردىڭىزدار. مەملەكەت وزدەرىڭىزدى جان-جاقتى قولداۋعا باسا ءمان بەرەدى. بىلتىر قابىلدانعان «ارداگەرلەر تۋرالى» زاڭ – وسىنىڭ ايقىن كورىنىسى. قازاقتا «ۇلكەنگە – قۇرمەت، كىشىگە – ىزەت» دەگەن ۇلاعاتتى ءسوز بار. جاستار اعا بۋىندى ءاردايىم قادىر تۇتادى، ۇلگى-ونەگە الادى. سىزدەر ۇرپاققا ءتالىم-تاربيە بەرىپ، وتانشىلدىق پەن ەڭبەكقورلىققا باۋلىپ كەلەسىزدەر. ارداگەرلەرىمىز بولاشاقتا دا ومىرلىك تاجىريبەسىن ەلدىڭ يگىلىگىنە جۇمساپ، مەملەكەتىمىزدى نىعايتۋعا اتسالىسا بەرەدى دەپ سەنەمىن! بارشاڭىزعا زور دەنساۋلىق، باق-بەرەكە تىلەيمىن! سەزد جۇمىسى تابىستى بولسىن»، دەلىنگەن ەل پرەزيدەنتىنىڭ قۇتتىقتاۋ حاتىندا.

چ

ە.توعجانوۆ ارداگەرلەردى سەز جۇ­مىسىنىڭ اشىلۋىمەن قۇتتىقتاپ، ەلباسى نۇرسۇلتان نازارباەۆتىڭ باستاماسىمەن قۇرىلعان رەسپۋبليكالىق «ارداگەرلەر ۇيىمىنىڭ» قىزمەتى بۇگىندە ەل پرەزيدەنتى قاسىم-جومارت توقاەۆتىڭ ەرەكشە نازارىندا ەكەنىن جەتكىزدى. مەملەكەت باسشىسى قول قويعان «ارداگەرلەر تۋرالى» زاڭدا «ارداگەرلەر ۇيىمىنىڭ» اۋقىمى كەڭەيتىلدى. باسقا مەملەكەتتەر اۋماعىندا ۇرىس قيمىلدارىنا قاتىسقاندارعا جەڭىلدىكتەر مەن كەپىلدىكتەر ۇلى وتان سوعىسىنا قاتىسۋشىلارعا تەڭەستىرىلدى. سونداي-اق ەڭبەك ارداگەرلەرىنىڭ مارتەبەسى ايقىندالدى. جىل سايىن زەينەتاقى جانە وزگە دە الەۋمەتتىك تولەماقى كولەمى ارتىپ كەلەدى. ورتاشا زەينەتاقى مولشەرى 100 مىڭ تەڭگەنى قۇرايدى. بۇعان قوسا ۇلى وتان سوعىسىنا، باسقا ۇرىس قيمىلدارىنا، چەرنوبىل اپاتىنىڭ سالدارىن جويۋعا قاتىسقان بارلىعى 145 مىڭ ارداگەرگە، تىل ەڭبەككەرىنە زەينەتاقىعا قوسىمشا بىرقاتار الەۋمەتتىك جەڭىلدىك قاراستىرىلدى. بيىل جەرگىلىكتى بيۋدجەت ەسەبىنەن 10 مىڭنان اسا ادامعا ماتەريالدىق كومەك كورسەتىلدى. ەلباسىنىڭ باستاماسىمەن جەڭىس كۇنى قارساڭىندا ۇلى وتان سوعىسىنداعى جەڭىسكە ۇلەس قوسقان ازاماتتارعا جىل سا­يىن ءبىر رەتتىك ماتەريالدىق كومەك كورسەتۋ دە داستۇرگە اينالدى. بيىل تاۋەلسىزدىكتىڭ 30 جىلدىعى قارساڭىندا ەلىمىزدەگى 114 مىڭ ارداگەرگە 6،4 ملرد تەڭگە كولەمىندە ماتەريالدىق كومەك كورسەتىلدى. سونىمەن قاتار ەلىمىزدە ەڭبەك ادامىنا قۇرمەت كورسەتۋ ماقساتىندا ناتيجەلى ەڭبەك ەتكەن قىزمەتكەرلەردى «ەڭبەك ارداگەرى» مەدالىمەن ناگرادتاۋ ءداستۇرى قالىپتاستى.

– سان ءتۇرلى ءومىر بەلەسىنەن وتكەن ارداگەرلەرىمىزدى ۇلىقتاۋ، قۇرمەتتەۋ – مەملەكەتتىڭ ماڭىزى باعىتى. بۇل رەتتە رەسپۋبليكالىق «ارداگەرلەر ۇيىمىنىڭ» ورنى ەرەكشە. سىزدەردىڭ ۇيىمدارىڭىز ەلىمىزدەگى ەڭ ءىرى ءارى بەدەلدى بىرلەستىكتەردىڭ ءبىرى. ۇيىمنىڭ 200-دەن اسا فيليالى مەن 10 مىڭنان اسا باستاۋىش ۇيىمدارى بار. ۇيىم – مەملەكەتتىك ساياساتتى جۇزەگە اسى­رۋدا، ەلىمىزدەگى تۇراقتىلىقتى ساقتاۋدا، الەۋمەتتىك ماسەلەلەردى شەشۋدە مەم­لەكەتتىك ورگانداردىڭ تۇراقتى ارىپتەسى. رەسپۋبليكالىق ۇيىمنىڭ وكىلدەرى وڭىرلەردە وسكەلەڭ جاس ۇرپاقتى پاتريوت­تىق جانە ادامگەرشىلىك تۇرعىدا تاربيەلەۋ ىسىنە دە باعا جەتپەس ۇلەس قوسىپ كەلەدى. ۇكىمەت رەسپۋبليكالىق «ارداگەرلەر ۇيىمىمەن» ارداگەرلەر مۇددەسىن قورعاۋ، الەۋمەتتىك ساياساتتى ءتيىمدى ىسكە اسىرۋ باعىتىندا كەڭ كولەمدى ۇندەستىكتى جالعاستىرۋعا دايىن، – دەدى ە.توعجانوۆ.

سەزد بارىسىندا ونىڭ جۇمىسشى ورگاندارى سانالاتىن تورالقا، حاتشىلىق جانە رەداكتسيالىق القا، ماندات، ەسەپ بەرۋ كوميسسيالارى سايلاندى. كۇن تارتىبىندە كوتەرىلەتىن ماسەلەلەر بەكىتىلىپ، سەزدىڭ جۇمىس رەگلامەنتى ايقىندالدى.

ورتالىق كەڭەس توراعاسى باقتىقوجا ىزمۇحامبەتوۆ ءوز سوزىندە ورتالىق كەڭەستىڭ جۇمىسى جانە ارداگەرلەر قوزعالىسىن ودان ءارى نىعايتۋ مەن دامىتۋ جونىندەگى مىندەتتەر تۋرالى باياندادى. ونىڭ ايتۋىنشا، الەمدى جايلاعان پاندەميا ەلىمىزدى دە اينالىپ وتكەن جوق. بۇكىل الەم كۇردەلى ءارى ماڭىزدى كەزەڭدى باستان وتكىزىپ وتىر. مەملەكەت باسشىسىنىڭ تاپسىرماسىمەن ەلىمىزدە بارلىق كوپشىلىك شاراعا
تىيىم سالىندى. بۇنىڭ بارلىعى حالىقتىڭ دەنساۋلىعى مەن قاۋىپسىزدىگى ءۇشىن اسا ماڭىزدى. ەڭ باستىسى، ەپيدەمياعا قارسى كۇرەس كەزىندە ىندەتتەن ساقتانۋدا ءبىراز تاجىريبە جيناقتاپ، قاشىقتان جۇمىس ىستەۋ تاسىلىنە كوشىپ، ارداگەرلەر ۇيىمىنىڭ جۇمىسى دا جاڭا فورماتقا بەيىمدەلدى. بارلىق وڭىردە ارداگەرلەر ۇيىمىنىڭ كونفەرەنتسيالارى ءوتتى. ارداگەرلەر ۇيىمى قىزمەتتەرىنىڭ نەگىزگى باعىتتارى بەلگىلەنىپ، ورتالىق كەڭەسكە ءبىراز ۇسىنىستار ءتۇستى. وبلىستىق كەڭەس مۇشەلەرى جاڭارتىلىپ سايلاندى.

– تاۋەلسىزدىك جىلدارى ەلىمىزدە ارداگەرلەردى الەۋمەتتىك قورعاۋ ماسەلەسى كۇن تارتىبىنەن تۇسكەن ەمەس. بۇگىندە ارداگەرلەرىمىز زەينەتاقى تولەمدەرىنەن بولەك، ءتۇرلى الەۋمەتتىك قولداۋ شارالارىمەن قامتىلعان. سونىڭ ءبىر دالەلى رەتىندە مەملەكەت بارلىق الەۋمەتتىك مىندەتتەمەنى تولىق ورىنداپ كەلەدى. زەينەتاقىلار، جاردەماقىلار ۋاقتىلى تولەنىپ وتىر. بۇل شارالاردىڭ بارلىعى ەلباسىنىڭ، مەملەكەت باسشىسىنىڭ قولداۋىمەن ىسكە اسىرىلىپ كەلەدى. وسىلايشا، بۇگىندە رەسپۋبليكالىق بيۋدجەتتەن بولىنەتىن الەۋمەتتىك كومەكتەردىڭ جالپى سوماسى 3،7 ترلن تەڭگەنى قۇرايدى، – دەدى ەڭبەك جانە حالىقتى الەۋمەتتىك قورعاۋ ءمينيسترى س.شاپكەنوۆ.

ونىڭ ايتۋىنشا، بيىل 1 قاڭتاردان باستاپ زەينەتاقىلار مەن جاردەماقىلار يندەكستەلىپ، ىنتىماقتى زەينەتاقى – 7%-عا، بازالىق زەينەتاقىلار مەن مەملەكەتتىك جاردەماقىلار 5%-عا ۇل­عايدى. ارينە، ءوز شەشىمىن كۇتىپ وتىرعان ماسە­لەلەر دە بار. الداعى ۋاقىتتا مۇن­داي ماسەلەلەر زاڭنامانى جەتىلدەرۋ جۇ­مىس­تارى بارىسىندا قارالىپ، ءتيىستى شەشىمىن تابادى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار