وقيعا • 16 قازان، 2021

سەمەيدە كوكتايعاقتان 6 كولىك سوقتىعىستى

111 رەت كورسەتىلدى

سەمەي قالاسىندا كوكتايعاقتان 6 كولىك سوقتىعىسىپ قالدى، دەپ حابارلايدى Egemen.kz.

شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، جول-كولىك وقيعاسى 16 قازاندا ساعات 08.30-دا جاڭا كوپىردە بولعان.

«Lada Granta ماركالى كولىكتىڭ 23 جاستاعى جۇرگىزۋشىسى كوكتايعاقتان ءرۋلدى باسقارا الماي قالىپ Mitsubishi، Volgswagen جانە Hyundai كولىكتەرىمەن سوعىلدى. سونىڭ سالدارىنان Hyundai كولىگى تاعى ەكى Toyota كولىكتەرىمەن سوقتىعىسقان»، دەپ حابارلادى ۆەدومستۆو وكىلدەرى.

جول اپاتىنان ەشكىم زارداپ شەككەن جوق. قازىرگى ۋاقىتتا پوليتسيا قىزمەتكەرلەرى وقيعانىڭ ءمان-جايىن انىقتاپ جاتىر. ءتيىستى ساراپتامالار دا تاعايىندالعان.

سوڭعى جاڭالىقتار

ۇقساس جاڭالىقتار