وتىرىسقا قاۋىپسىزدىك كەڭەسى اپپاراتىنىڭ وكىلدەرى, قارۋلى كۇشتەردىڭ, ۇلتتىق قاۋىپسىزدىك كوميتەتى شەكارا قىزمەتىنىڭ, ىشكى ىستەر مينيسترلىگى ۇلتتىق ۇلانىنىڭ, سونداي-اق ورتالىق مەملەكەتتىك ورگانداردىڭ باسشىلارى قاتىستى.
جيىن قاتىسۋشىلارى اسكەري باسقارۋدى ورتالىقتاندىرۋ, باسقارۋدىڭ اۆتوماتتاندىرىلعان جۇيەلەرىن اشۋ, مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ جانە قارۋلى كۇشتەردىڭ, باسقا دا اسكەرلەرى مەن اسكەري قۇرالىمدارىنىڭ اسكەري-عىلىمي الەۋەتى مەن عىلىمي-ەكسپەريمەنتتىك بازاسىن دامىتۋ ءۇشىن قابىلدانىپ جاتقان شارالار جونىندە باياندامالار جاسادى.
وتىرىس بارىسىندا قارۋلى كۇشتەردە, باسقا دا اسكەرلەرى مەن اسكەري قۇرالىمدارىندا اقپاراتتىق-كوممۋنيكاتسيالىق تەحنولوگيالار قۇرالدارىن پايدالانۋدى اقپاراتتاندىرۋ جانە ونىڭ اۋقىمىن كەڭەيتۋ, سونداي-اق اسكەري عىلىمدى دامىتۋ جانە عىلىمي-ەكسپەريمەنتتىك بازانى جەتىلدىرۋ ماسەلەلەرى تالقىلاندى.
اسكەري كادرلاردى دايارلاۋ, مەملەكەتتىڭ اسكەري قاۋىپسىزدىگىنە سوڭعى كەزدەگى قاۋىپ-قاتەرلەر مەن سىن-تەگەۋرىندەردى باعالاۋدىڭ جاڭا ادىستەرىن ەنگىزۋ, تمد ەلدەرى مەن الىس شەتەلدەردىڭ عىلىمي-ءبىلىم بەرۋ مەكەمەلەرىمەن بايلانىس اۋقىمىن كەڭەيتۋ ماسەلەلەرى سارالاندى.
اسكەري قاۋىپسىزدىك اۋقىمىنداعى زەرتتەۋلەر اسكەري سالانىڭ بارلىق نەگىزگى باعىتتارىندا دامىپ كەلەدى. بۇعان كوپتەگەن جاس عالىمداردىڭ, عىلىمي-زەرتتەۋ توپتارى مەن ۇجىمداردىڭ شەتەلدىك عالىمدارمەن حالىقارالىق ىنتىماقتاستىققا جەمىستى جۇمىسقا قىزىعۋشىلىعىن ارتتىرۋعا ىقپال ەتىپ, بۇل شەتەلدىك ورتالىقتار مەن عىلىمي-زەرتتەۋ ينستيتۋتتارىنداعى ماتەريالدار مەن اقپاراتقا قول جەتكىزۋگە مۇمكىندىك بەرەدى.
