قوعام • 15 قازان، 2021

قازاقستاندا زەينەتاقىنىڭ ورتاشا مولشەرى قانداي؟

280 رەت كورسەتىلدى

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ مينيسترلىكتىڭ القا وتىرىسىندا مەملەكەت باسشىسىنىڭ جىل سايىنعى قازاقستان حالقىنا جولداۋىندا بەرىلگەن تاپسىرمالاردى ورىنداۋ جانە ۆەدومستۆونىڭ اعىمداعى جىلدىڭ 9 ايىنداعى قىزمەتىنىڭ قورىتىندىلارى تۋرالى ايتتى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.

ءوز سوزىندە ەحاقم باسشىسى ازاماتتاردى زەينەتاقىمەن قامتاماسىز ەتۋگە ەرەكشە نازار اۋداردى.

«بۇگىندە زەينەتكەرلەر سانى 2،2 ملن ادامدى قۇرايدى. جۇرگىزىلگەن يندەكستەۋدى ەسەپكە العاندا بيۋدجەتتەن زەينەتاقىنىڭ ورتاشا مولشەرى – 99 857 تەڭگە، ونىڭ ىشىندە ىنتىماقتى زەينەتاقى – 68 774 تەڭگە، بازالىق زەينەتاقى – 31 083 تەڭگە. قازاقستان پرەزيدەنتىنىڭ تاپسىرماسىنا سايكەس زەينەتاقى جيناقتارىن جەتكىلىكتىلىك شەگىنەن تىس 500 مىڭنان استام ادام الدى. جىل باسىنان بەرى ازاماتتار وزدەرىنىڭ تۇرعىن ءۇي جاعدايلارىن جاقسارتۋعا، ەمدەلۋگە جانە زەينەتاقى اكتيۆتەرىن باسقارۋ جونىندەگى كومپانياعا 1،9 ترلن تەڭگەدەن استام قاراجات جىبەردى»، دەدى سەرىك شاپكەنوۆ.

سونىمەن قاتار ول ىنتىماقتى زەينەتاقىدان جيناقتاۋشى زەينەتاقىعا كوشۋدى ەسكەرە وتىرىپ، جوعالعان تابىستى زەينەتاقىمەن الماستىرۋ كوەففيتسيەنتى جىل سايىن تومەندەيتىنىن اتاپ ءوتتى.

بجزق-نىڭ اكتۋارلىق ەسەپتەرىنە سايكەس، 2026 جىلى زەينەتاقى ورتاشا ايلىق جالاقىنىڭ 39% جۋىعىن عانا الماستىراتىن بولادى. 2040 جىلى - 20%، ال 2060 جىلى-بار بولعانى 18%.

«زەينەتكەرلەردىڭ، ونىڭ ىشىندە بولاشاق زەينەتكەرلەردىڭ جاعدايى ناشارلاماۋى كەرەك! قازىرگى ۋاقىتتا زەينەتاقى جۇيەسىنىڭ تيىمدىلىگىن قامتاماسىز ەتۋ ءۇشىن زەينەتاقى جۇيەسىن ودان ءارى جاڭعىرتۋدىڭ 2030 جىلعا دەيىنگى قولدانىستاعى تۇجىرىمداماسىنا وزگەرىستەر مەن تولىقتىرۋلار ەنگىزۋ بويىنشا جۇمىستار جۇرگىزىلۋدە. بىرىنشىدەن، بازالىق زەينەتاقى تولەمىنەن ەڭ تومەنگى كەپىلدەندىرىلگەن زەينەتاقىعا كوشۋ ەسەبىنەن ەڭ تومەنگى كەپىلدىكتەر جۇيەسىن جەتىلدىرۋ كوزدەلەدى. ەكىنشىدەن، قولدانىستاعى تۇجىرىمدامادا 2023 جىلدان باستاپ جۇمىس بەرۋشىلەردىڭ 5% مىندەتتى زەينەتاقى جارنالارىن ەنگىزۋ كوزدەلگەن. ناتيجەسىندە ازاماتتاردى زەينەتاقىمەن قامسىزداندىرۋ دەڭگەيىن حالىقارالىق ەڭبەك ۇيىمى ۇسىنعان ستاندارتتان تومەن ەمەس – جوعالعان كىرىستىڭ كەمىندە 40%-ىن ساقتاۋ قامتاماسىز ەتىلەدى»، دەپ حابارلادى مينيستر.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار