«وسىدان تۋرا 30 جىل بۇرىن قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن الماتىدا مەملەكەتتەر باسشىلارىنىڭ تاريحي كەزدەسۋى ءوتىپ, وندا الماتى دەكلاراتسياسى قابىلدانعان بولاتىن. وسىناۋ تاعدىرشەشتى قۇجات جاڭا تاۋەلسىز مەملەكەتتەردىڭ كوپقىرلى ىنتىماقتاستىعىنا مىعىم نەگىز قالادى.
بۇگىندە دوستاستىق پوستكەڭەستىك كەڭىستىكتەگى اۋقىمدى اپاتتاردىڭ الدىن الۋدا ماڭىزدى ءرول اتقارىپ, حالىقتارىمىز اراسىنداعى ءوزارا بايلانىستاردى ساقتاۋعا سەپتىگىن تيگىزدى. تمد-نىڭ بەدەلدى حالىقارالىق ۇيىمعا اينالۋى دا وتە ماڭىزدى. وسى جىلداردىڭ ىشىندە تمد كەڭىستىگىندە ورتاق كۇش-جىگەردىڭ ارقاسىندا كووپەراتسيانىڭ شىنايى تەتىكتەرى قۇرىلدى, قوماقتى نورماتيۆتىك-قۇقىقتىق بازا قالىپتاستى. ىنتىماقتاستىقتىڭ بارلىق دەرلىك سالاسىندا بىرەگەي تاجىريبە قالىپتاستى», دەدى مەملەكەت باسشىسى. قر پرەزيدەنتى
دوستاستىق بەلسەندى ساياسي ديالوگتى دامىتۋعا, قاۋىپسىزدىك سالاسىنداعى ىنتىماقتاستىقتى نىعايتۋعا قىزمەت ەتىپ, ساۋدا-ەكونوميكالىق قارىم-قاتىناستى دامىتۋعا جاعداي جاسايتىندىعىن باسا ايتتى.
«ەلدەرىمىزدىڭ ءتيىمدى ينتەگراتسياسى تمد-دا ەركىن ساۋدا ايماعىن قۇرۋعا سەپتىگىن تيگىزدى. دوستاستىق قامقورلىعىمەن مادەني-گۋمانيتارلىق ىنتىماقتاستىقتى دامىتۋداعى قادامدار دا جوعارى باعاعا لايىق. ءبىزدىڭ كەزدەسۋمىز تمد ەلدەرىنىڭ كوپقىرلى ءوزارا ءىس-قيمىلىن قورىتىندىلاپ, جاڭا مەجەسىن اشادى», دەدى قاسىم-جومارت توقاەۆ.
