ايماقتار • 15 قازان، 2021

سقو-دا اۋىلدان گراناتا تابىلدى

52 رەت كورسەتىلدى

سولتۇستىك قازاقستان ولبىسىنا قاراستى قىزىلجار اۋدانىنداعى اۋىلداردىڭ بىرىندە 17 جاستاعى تۇرعىن دالادان جارىلعىش گراناتا تاۋىپ الدى. جارىلعىش زات ساراپتاماعا جىبەرىلدى، دەپ حابارلايدى Egemen.kz سقو پد ءباسپاسوز قىزمەتىنە سىلتەمە جاساپ.

ءجاسوسپىرىم ەرەكشە زاتتى الاڭقايدان تاۋىپ العان. توت باسقان گراناتانى جىگىت تۋىسىنىڭ ۇيىنە اكەلگەن. ونى كورگەن تۋىسى بىردەن پوليتسياعا حابارلاعان. سوكولوۆ پوسەلكەلىك پوليتسيا بولىمشەسىنىڭ قىزمەتكەرلەرى وقيعا ورنىن قورشاۋعا الىپ، جاقىن ماڭداعى ءۇش ءۇيدىڭ جەتى تۇرعىنىن قاۋىپسىز جەرگە كوشىردى. وقيعا ورنىنا جەتكەن جارعىشتەحنيكتەر قاۋىپتى زاتتى ارنايى قالىپقا سالدى. شامامەن «ۋزرگم» تۇتاندىرعىشى بار «رگد» گراناتاسى بولىپ سانالادى. ازىرگە گراناتانىڭ اۋىلعا قايدان كەلگەنى بەلگىسىز.

«زات ساراپتاماعا جىبەرىلدى، كەيىن ارنايى جاعدايلاردا جويىلاتىن بولادى. جارىلعىش زاتتارعا ۇقساس زات انىقتاعان جاعدايدا زاريادتىڭ وزدىگىنەن جارىلۋىن بولدىرماۋ ءۇشىن ولاردى كوشىرۋگە، ورىندارىن اۋىستىرۋعا بولمايتىنىن ەسكە سالامىز»، دەيدى قىزىلجار اۋدانى پب باستىعىنىڭ مىندەتىن اتقارۋشى نۇرلىجان اقتانوۆ.

سوڭعى جاڭالىقتار

ۇقساس جاڭالىقتار