«ەڭ الدىمەن ازىق-ت ۇلىك قاۋىپسىزدىگى ماسەلەسى. بۇل پروبلەما جاھاندىق وزەكتىلىككە يە بولىپ وتىر. بۇگىندە جەر شارىنىڭ ءاربىر 10-شى تۇرعىنى, ياعني 700 ملن-نان استام ادام ازىق-ت ۇلىك جەتىسپەۋشىلىگىنەن زارداپ شەگىپ وتىر. ارينە, ءبىزدىڭ ەلدەرىمىزدەگى احۋال الدەقايدا جاقسى. بىراق, الەمدىك باعا ءوسىمىنىڭ قىسىمىن قازىردىڭ وزىنەن-اق نارىقتارىمىز سەزىنە باستادى. پروبلەما شيەلەنىسۋى جىلدان جىلعا ارتا تۇسەتىن بولادى», دەدى قاسىم-جومارت توقاەۆ جوعارى ەۋرازيالىق ەكونوميكالىق كەڭەس وتىرىسىندا.
قر پرەزيدەنتى بۇعان جاۋاپ رەتىندە ەۋرازيالىق ەكونوميكالىق كوميسسيا وداق ەلدەرىمەن بىرلەسىپ, ازىق-ت ۇلىك قاۋىپسىزدىگىن قامتاماسىز ەتۋدىڭ ورتاق پرينتسيپتەرى مەن ادىستەرىنىڭ جوباسىن ازىرلەگەندىگىن ايتتى.
«قۇجات ازىق-ت ۇلىك تاۋارلارىمەن قامتاماسىز ەتۋگە, تاپشىلىق تۋىنداۋ تاۋەكەلدەرىن تومەندەتۋگە, سونىمەن قاتار اگروونەركاسىپ كەشەنىندە قولدانىلاتىن ماتەريالدىق-تەحنيكالىق رەسۋرستاردىڭ يمپورتتى الماستىرۋىنا باعىتتالعان ءىس-شارالاردى كوزدەيدى. بۇل قۇجاتتتىڭ ماڭىزدىلىعىن ەسكەرە وتىرىپ, ونى الماتىدا وتەتىن وتىرىستا بەكىتۋدى ۇسىنامىن. قۇجات جۇيەلى, ءىس جۇزىندەگى ءوزارا ءىس-قيمىلعا باعىتتالعان جانە ناقتى الەۋمەتتىك-ەكونوميكالىق ناتيجەلى بولۋى ءتيىس», دەدى قر پرەزيدەنتى.
