پالاتا ديرەكتورىنىڭ ايتۋىنشا, جىل باسىنان بەرى «قاراپايىم زاتتار ەكونوميكاسى» باعدارلاماسى بويىنشا 22,2 ملرد تەڭگەگە 17 جوبا قارجىلاندىرىلدى.
ونىڭ ىشىندە وڭدەۋ ونەركاسىبى 87%, قالعانى قىزمەت كورسەتۋ سالاسى.
«جوبالاردىڭ ەڭ كوبى «بيزنەستىڭ جول كارتاسى – 2025» اياسىندا قارجىلاندىرىلدى. بارلىعى 84,5 ملرد تەڭگەگە 1 199 جوباعا كومەك كورسەتىلدى. ال, «ەڭبەك» مەملەكەتتىك باعدارلاماسى اياسىندا 1 ملرد تەڭگەنىڭ 73 جوباسى قارجىلاندىرىلدى. بيىلدان باستاپ «الماتىلىق وندىرۋشىلەر» پۋلى قۇرىلدى.
سونىمەن قاتار, ءبىز الماتى قالاسى اكىمىنىڭ ورىنباسارلارىمەن بىرلەسىپ, وندىرۋشىلەردىڭ پروبلەمالارى مەن ناقتى جۇكتەمەسىن انىقتاۋ ءۇشىن 25 وتاندىق كاسىپورىنعا باردىق», دەدى ول.
ناتيجەسىندە «ال باكارا», «الما-مەبەل» جانە «تورنادو PLUS» جشس-مەن 400 ملن تەڭگەگە مەكتەپ جيھازىن جەتكىزۋگە, «سكلاد وۆ» كاسىپورنىمەن 50,6 ملن تەڭگە سوماسىنا 19 مىڭ سەكتسيا رادياتورىن جەتكىزۋگە كەلىسىمشارت جاسالعان.
جۇرگىزىلىپ جاتقان جۇمىستاردىڭ ارقاسىندا «الماتىليفت» كومپانياسى 449 ملن تەڭگەگە 46 ليفت جەتكىزبەك.
