جۇك كولىكتەرىنىڭ جۇرگىزۋشىلەرىنە وتىن الۋ ءۇشىن تاۋلىك بويى تۇرۋعا تۋرا كەلەدى. سونىڭ سالدارىنان وڭىردەگى ەكى بىردەي شالعاي اۋىلعا كومىر جەتپەي قالعان. تەندەردى جەڭىپ العان كومپانيا جىلۋ ماۋسىمى باستالعانشا قاجەتتى وتىندى تاسىپ ۇلگىرمەپتى. ال جەرگىلىكتى بيلىك الەۋمەتتىك نىسانداردى قاتىرىپ الماس ءۇشىن كومىردى قارىزعا الىپ امالداعان. ايماقتا كومىر تاپشىلىعى جوق. شاحتالار ءوندىرىس قۋاتىن ودان ءارى ۇلعايتۋعا دايىن. بار ماسەلە وتىندى تاسيتىن تەمىرجول ۆاگوندارىنىڭ جەتىسپەۋىنەن تۋىپ وتىر.
«كومىردى ۋاقىتىندا جەتكىزۋگە ۆاگوندار جەتكىلىكسىز. بۇل ماسەلە جىلدا تۋىندايدى. بار كومىردى تاسي المايمىز. سوندىقتان رەسپۋبليكالىق دەڭگەيدە ۇلكەن پارك قۇرىپ, ۆاگوندار سانىن ۇلعايتاتىن كەز كەلدى. سوندا جۇمىس ءبىر جۇيەگە تۇسەدى», دەدى ونەركاسىپ جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى قايرات شورمانباەۆ.
