جاڭاشىل جاستار جوباسى

قازىلار القاسى 9 جوبانى ۇزدىك دەپ تانىدى. ۇزدىك جوبا اۆتورلارى­نىڭ ءبىرى اسەم يمانعاليەۆا كۇكىرتتەن قال­دىقسىز تسەمەنت ءوندىرۋ ءتاسىلىن ۇسىنعان.

– بۇل جوبانىڭ اياسىندا ءۇش جىل ىزدەندىم. زەرتتەۋ جۇرگىزۋ ءۇشىن اتى­راۋ مۇناي وڭدەۋ زاۋىتىنىڭ كۇكىرتىن, مازۋت پەن كۆارتس توپىراعىن پايدالان­دىم. بىرىنشىدەن, كۇكىرتتى اشىق كۇيدە ساقتاۋدىڭ قورشاعان ورتاعا ەكو­لوگيالىق تۇرعىدان زاردابى بار. ويت­كەنى كۇكىرت ادامداردىڭ سوزىل­­ما­لى اۋرۋلارىن كۇشەيتەدى. ەكىن­شى­دەن, اتىراۋ مۇناي وڭدەۋ زاۋىتى كۇكىرتتى قىتايعا وتە ارزان باعامەن ەكسپورتتاپ وتىر. سول سەبەپتەن, قال­دىقتار­دى قۇرىلىس ماتەريالىن جا­ساۋ ارقىلى قايتا قولدانۋ تۋرالى يدەيانى ىسكە اسىرۋدى كوزدەدىم. بۇل ءۇشىن وڭتۇستىك قازاقستان مەملە­كەت­تىك ۋنيۆەرسيتەتى­نىڭ زەرتحاناسىندا قاۋىپتى ەكسپەريمەنتتەر جاسادىم. زەرتتەۋلەرىم ءساتتى بولدى. ەندى تولىق­قاندى ءونىم الۋ ءۇشىن بۇل جوبانى ءالى دە جەتىلدىرە ءتۇسۋ كەرەك, – دەيدى ءا.يمانعاليەۆا.

وسى جوباسى ءۇشىن اسەم يمانعا­ليەۆا ءبىرىنشى جۇلدەگە يە بولدى. سونداي-اق «اتىراۋ-ءبىلىم», Quic pro كوماندالارى جەڭىمپاز دەپ تانىلدى. ولارعا 300 مىڭ تەڭگە سەرتيفيكاتتارى تاپسىرىلدى. ەكىنشى جۇلدە ءۇشىن 200 مىڭ تەڭگەنىڭ سەرتيفيكاتى نازەركە ارمانقىزى, التى­ناي سەرىكباي جانە «ەستۋ اپپاراتى» كومانداسىنا بەرىلدى. ءۇشىنشى جۇلدە­نىڭ 100 مىڭ تەڭگەلىك سەرتيفيكاتىن جانەل مىرزاتاەۆا, نارۋاليتحان حاي­رۋللين مەن Bir jol كومانداسى يەلەندى.