جالپىرەسپۋبليكالىق اكتسيا اياسىندا الەۋمەتتىك قورعالماعان جانە از قامتىلعان وتباسىلاردىڭ بالالارىنا كومەك كورسەتۋ, ءارتۇرلى الەۋمەتتىك سالدارعا بايلانىستى بالالاردىڭ مەكتەپكە كەلمەي قالۋ جاعدايلارىن انىقتاۋ جۇمىستارى ءارى قاراي دا جالعاسىن تابادى. وسى ورايدا ق.جۇمانوۆ ەپيدەميالىق جاعدايدىڭ ساقتالۋىنا بايلانىستى «مەكتەپكە جول» ءداستۇرلى اكتسياسىن وتكىزۋ پلاتفورما ارقىلى جىل بويى جالعاساتىنىن جەتكىزدى. كومەككە مۇقتاج اتا-انالار, سونىمەن بىرگە قولداۋ كورسەتەمىن دەگەن دەمەۋشىلەر مەن مەتسەناتتار www.atamekenim.kz سايتىندا وتىنىشتەرىن قالدىرا الادى.
قازىرگى ۋاقىتتا الەۋمەتتىك قورعالماعان جانە از قامتىلعان وتباسىلاردان شىققان 22 142 وقۋشىعا 774 ملن 970 مىڭ تەڭگە بيۋدجەت قاراجاتى ەسەبىنەن كومەك كورسەتىلدى. ال اكتسياعا قولداۋ بىلدىرگەن الماتى قالاسىنىڭ مەتسەناتتارى 9 022 وقۋشىعا 123 ملن 399 مىڭ تەڭگە كولەمىندە دەمەۋشىلىك كومەك كورسەتتى. باسقارما باسشىسىنىڭ ورىنباسارى سونىمەن بىرگە قازىرگى كەزدە جاپپاي وقىتۋ قورى تاراپىنان 1-11-سىنىپ وقۋشىلارى ءۇشىن تەگىن تاماق ۇيىمداستىرىلعانىن اتاپ ءوتتى. بۇل ماقساتقا جەرگىلىكتى بيۋدجەتتەن قاراجات قاراستىرىلىپ, قالا مەكتەپتەرىندەگى 24 مىڭنان استام وقۋشى قامتاماسىز ەتىلگەن.
