قازاقستان • 13 قازان، 2021

ح رەسپۋبليكالىق قاريلار بايقاۋىنىڭ جەڭىمپازى انىقتالدى

86 رەت كورسەتىلدى

تۇركىستان قالاسىنداعى «كونگرەسس حولل» مادەنيەت كەشەنىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇران كارىمدى جاتقا جانە مانەرلەپ وقۋدان ح رەسپۋبليكالىق بايقاۋى مارەسىنە جەتتى، دەپ حابارلايدى Egemen.kz.

74 ۇمىتكەر باق سىناعان بايقاۋدىڭ جەڭىمپازدارى مەن جۇلدەگەرلەرىن ماراپاتتاۋ راسىمىنە قمدب توراعاسى، باس ءمۇفتي ناۋرىزباي قاجى تاعان ۇلى، تۇركىستان وبلىسىنىڭ قۇرمەتتى ازاماتتارى مەن ەل اعالارى، سونداي-اق، ءدىن جاناشىرى، جارىسقا دەمەۋشىلىك جاساعان باحاريدين ابليازيموۆ ارنايى قاتىستى.

«اللاعا سانسىز شۇكىرلەر بولسىن، جاسىنان قۇران جاتتاعان قاريلاردىڭ بايقاۋىن قورىتىندىلاپ، ماراپاتتاپ وتىرمىز. وسى بايقاۋدى وتكىزۋگە اتسالىسقان قمدب ۇجىمى مەن تۇركىستان وبلىستىق وكىلدىگىنە، قاريلاردى باستاپ كەلگەن وبلىستاردىڭ باس يمامدارى مەن بارشا ءدىن قىزمەتكەرلەرىنە، سونىمەن قاتار دەمەۋشى بولعان باحاردين نۇعمان ۇلىنا العىسىمدى بىلدىرەمىن.

قاتىسۋشىلاردىڭ قارىم-قابىلەتىن باعالاپ، جارىسقا تورەلىك ەتكەن قازىلار القاسىنداعى كامىلجان، سادۋاقاس، دانيار، ەرسىن جانە جۇمانازار قاريلارعا دا راقمەتىمدى ايتىپ، اللا جار بولسىن دەمەكپىن. وسى وتىرعان جاپ-جاس قاريلارىمىز وزدەرىڭىز سەكىلدى ءبىلىمدى، ابىرويلى ازامات بولىپ ءوسسىن!» دەدى باس ءمۇفتي ماراپاتتاۋ ساتىندە.

بيىل ەل تاۋەلسىزدىگىنىڭ 30 جىلدىعىنا وراي وتكەن قاريلار بايقاۋىنىڭ جۇلدە قورى بۇرىنعىدان دا قوماقتى بولدى. ماسەلەن باس جۇلدە يەگەرىنە جول تالعامايتىن شەتەلدىك كولىك بەرىلسە، 30 پارا بويىنشا فينالدىق كەزەڭگە جولداما العان 5 قاريدىڭ ەكەۋىنە ىنتالاندىرۋ سىيلىعى رەتىندە ۇمرا قاجىلىعىنا جولداما بەرىلدى. سونداي-اق 20 پارا بويىنشا تارتىستى وتكەن بايقاۋدىڭ دا ءتورتىنشى جانە بەسىنشى ورىن يەگەرلەرىنە قازىلار القاسىنىڭ شەشىمىمەن ىنتالاندىرۋ سىيلىعى تابىستالدى.

قازىلار القاسىنىڭ شەشىمىمەن 4 اتالىم بويىنشا جەڭىس تۇعىرىنان كورىنگەن قاريلاردىڭ ءتىزىمى تومەندەگىدەي:

«مانەرلەپ وقۋ» بويىنشا:

ءى ورىن ( 1 000 000 تەڭگە) – قۋانىش سەيتقانوۆ (الماتى قالاسى، 29 جاستا)

ءىى ورىن (700 000 تەڭگە) – ەربولات شاۋدىرباي (نۇر-سۇلتان قالاسى، 24 جاستا)

ءىىى ورىن (500 000 تەڭگە) – ءانۋار سىرىم ۇلى (الماتى ايماعى، 20 جاستا)     

 

«10 پارا» بويىنشا:       

ءى ورىن (1 500 000 تەڭگە) – گيەسجون ابديكاديروۆ (پاۆلودار وبلىسى، 22 جاستا)     

ءىى ورىن (1 000 000 تەڭگە) – ادىلەت ساياجانوۆ (قاراعاندى، 27 جاستا)

ءىىى ورىن (750 000 تەڭگە) – ءابىلحايىر جۇبان (17 جاستا)

 

«20 پارا» بويىنشا:

ءى ورىن (2 000 000 تەڭگە) – نۇرتىلەۋ سەيتقاسىم (قاراعاندى، 9 جاستا)

ءىى ورىن (1 500 000 تەڭگە) – حابيبوللا راۋشان (اقتوبە، 19 جاستا)

ءىىى ورىن (1 000 000 تەڭگە) – يسلامنۇرى يگىلىك (تۇركىستان، 14 جاستا)

ءىV ورىن (700 000 تەڭگە، ىنتالاندىرۋ سىيلىعى) – ابدۋلباقي ابديلازيز (الماتى قالاسى، 9 جاستا)

V ورىن (500 000 تەڭگە، ىنتالاندىرۋ سىيلىعى) – ۋماير ابدۋساتتار (جامبىل وبلىسى، 13 جاستا)

 

«30 پارا» بويىنشا:

باس جۇلدە (اۆتوكولىك) – الىبەك جاليەۆ (شىمكەنت، 18 جاستا)

ءىى ورىن (3 000 000 تەڭگە) – مانسۋرحان سارۆارحان ۇلى (الماتى قالاسى، 11 جاستا)

ءىىى ورىن (2 000 000 تەڭگە) – نيعماتۋللوح ابدازيموۆ (تۇركىستان، 14 جاستا).

ءىV ورىن (كىشى قاجىلىق) – ابۋالي قالپاشوۆ (اقمولا وبلىسى، 18 جاستا)

V ورىن (كىشى قاجىلىق) – بەكزات تاسبولاتوۆ (اقتوبە، 18 جاستا)

جەڭىمپازدارمەن بىرگە بايقاۋعا قازىلىق جاساعان ەلىمىزگە بەلگىلى قاريلار سادۋاقاس ولجاباي (توراعا)، كامىلجان يۋلداش ۇلى، دانيار جۇماباي، ەرسىن امىرە مەن جۇمانازار سادىرحانوۆقا باس ءمۇفتي ارنايى العىس ءبىلدىرىپ، ماراپاتتادى.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار