فوتوگالەرەيا • 13 قازان، 2021

قازاقستاندىق عالىم ەلبرۋس تاۋىنا جاسالعان ەكسپەديتسياعا قاتىستى

266 رەت كورسەتىلدى

2021 جىلدىڭ 29 قىركۇيەگىنەن 10 قازانىنا دەيىن بىرنەشە ەلدىڭ، سونىڭ ىشىندە قازاقستاننىڭ عالىمدارى ەلبرۋس تاۋىنا ەكسپەديتسياعا باردى، دەپ حابارلايدى Egemen.kz.

ەكسپەديتسيانىڭ ماقساتى – تاۋدىڭ وڭتۇستىك بەتكەيلەرىنىڭ نەگىزگى وبەكتىلەرىنە كەشەندى ەكولوگيالىق زەرتتەۋ جۇرگىزۋ.

ءبىزدىڭ ەلدىڭ اتىنان «QazaqGeography» رقب قىزمەتكەرى، عالىم، گەوەكولوگ ايدا تابەلينوۆا قاتىستى. ايدا – لاندشافتتانۋ، گەوگرافيا جانە گاج-كارتوگرافيالاۋ سالاسىنىڭ مامانى. ونىڭ ەكسپەديتسياداعى باستى مىندەتتەرىنىڭ ءبىرى – ۇلتتىق پاركتىڭ لاندشافتىق ەرەكشەلىكتەرىن زەرتتەۋ، سونداي-اق رەكرەاتسيالىق سىيىمدىلىقتى ازايتۋ ماقساتىندا اۋماقتاردى لاندشافتىق جوسپارلاۋ جونىندەگى باعدارلامانى جاساۋ. رەكرەاتسيالىق سىيىمدىلىق – بۇل دەمالىس ورنىندا ءبىر ۋاقىتتا بولا الاتىن، تابيعاتتىڭ تۇراقتى جايىن بۇزبايتىن رەكرەانت (دەمالۋشى)، كولىك سانى.

ۆ

ەكسپەديتسيا كەزىندە ءبىر توپ عالىم پريەلبرۋسە ۇلتتىق پاركىنىڭ ەكولوگيالىق سوقپاقتارىن زەرتتەپ، ونىڭ ساپاسىن انىقتاۋ ءۇشىن سۋ سىنامالارى الىندى، سونداي-اق گەوەكولوگيالىق كارتالار جاسالدى. مۇنداي تاجىريبە ەلىمىزدەگى ۇلتتىق پاركتەردى زەرتتەۋ ءۇشىن دە پايدالى بولاتىنى ءسوزسىز.

پ

ايدا تابەلينوۆانىڭ ايتۋىنشا، قازاقستاندا جانە باسقا پوستكەڭەستىك ەلدەردە ەكوتۋريزمدى دامىتۋ، ونىمەن بىرگە جۇرەتىن رەكرەاتسيالىق جۇكتەمە ماسەلەسى ءالى كۇنگە دەيىن وزەكتى بولىپ قالا بەرەدى. وكىنىشكە قاراي، جۇكتەمەنى مۇمكىندىگىنشە ءدال انىقتايتىن بىرىڭعاي، جالپى قابىلدانعان ەسەپتەۋ ءادىسى جوق. ال ەسەپتەن قاتەلەسسەك، لاندشافت پەن ەكولوگياعا زيان تيگىزۋىمىز مۇمكىن.

الايدا ورىس گەوگرافيالىق قوعامىنىڭ قورىق مەكتەبى اياسىندا جۇرگىزىلگەن زەرتتەۋلەردىڭ ارقاسىندا عالىمدار ءوز ۇسىنىستارىن بەرۋگە دايىن.

ۆۆ

«بۇگىندە «QazaqGeography» «شارىن»، «التىن ەمەل» ۇلتتىق پاركتەرىندە ەكولوگيالىق ءتۋريزمدى دامىتۋمەن اينالىسادى. سوندىقتان پريەلبرۋسەدە العان تاجىريبەمىز ەلىمىزدەگى ۇلتتىق پاركتەردە وسىنداي جوبالاردى زەرتتەۋ ءۇشىن نەگىز بولادى. سونىمەن قاتار بۇل قورشاعان ورتاعا زيان كەلتىرمەستەن ەكوتۋريزمدى تانىمال ەتۋگە كومەكتەسەدى»، دەيدى ايدا تابەلينوۆا.

ۆۆ

«10 كۇندىك ەكسپەديتسيا ناتيجەسىندە 40 ليتردەن استام تابيعي سۋ ۇلگىلەرى جينالىپ، ۇلتتىق پارك اۋماعى بويىنشا 12 مارشرۋت ورىندالدى. زەرتتەۋ بارىسىندا ەلبرۋستىڭ وڭتۇستىك بەتكەيىندەگى قار مەن مۇزدىقتاردىڭ كەشەندى اسەرى، تۋريستىك ينفراقۇرىلىمنان لاستانعان نەگىزگى ورتالىقتار، ۇلتتىق پاركتى لاندشافتىق ايماقتارعا ءبولۋ ماسەلەلەرى انىقتالدى. سونىمەن قاتار ەلبرۋس ايماعىنداعى تابيعي-اۋماقتىق كەشەندەردىڭ ەكولوگيالىق سىيىمدىلىعىنا الدىن الا باعالاۋ جۇرگىزىلدى»،  دەپ قورىتىندىلادى ەكسپەديتسيانىڭ عىلىمي كەڭەسشىسى، م. ۆ. لومونوسوۆ اتىنداعى ممۋ گەوگرافيا فاكۋلتەتىنىڭ اعا عىلىمي قىزمەتكەرى الەكسەي ماسلاكوۆ.

ۆ

وگق قورىق مەكتەبىنىڭ جۇمىسى كەزىندە الىنعان ناتيجەلەر جىل سوڭىنا دەيىن رەسەيدىڭ تابيعي رەسۋرستار جانە ەكولوگيا مينيسترلىگىنە ۇسىنىلۋى كەرەك ەسەپكە ەنگىزىلىپ قانا قويمايدى، سونىمەن قاتار رەسەي گەوگرافيالىق قوعامىنىڭ «Geography Environment Sustainability» جۋرنالىندا  دا جاريالانادى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار