قازاقستان • 13 قازان، 2021

قازاقستان مەن ليتۆا اراسىندا اۋە رەيستەرى اشىلادى

49 رەت كورسەتىلدى

قازاقستاننان ليتۆاعا تىكەلەي اۋە رەيستەرى اشىلادى، دەپ حابارلايدى Egemen.kz قر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

نۇر-سۇلتان قالاسىندا قر يدم ازاماتتىق اۆياتسيا كوميتەتىنىڭ جانە ليتۆانىڭ ازاماتتىق اۆياتسيا باسشىلىعىنىڭ كەزدەسۋى ءوتتى.

وندا «نۇر-سۇلتان – ۆيلنيۋس» جانە «الماتى – ۆيلنيۋس» تۇراقتى اۋە باعىتتارىن اشۋ، وعان ۆەنگريانىڭ «Wizz Air» اۋە كومپانياسىن وپەراتور ەتىپ تاعايىنداۋ ماسەلەسى قارالدى. رەيستەردى 2022 جىلدىڭ 1 توقسانىندا اشۋ جوسپارلانىپ وتىر.

مينيسترلىكتەن ءمالىم ەتكەندەي، قر يدم ازاماتتىق اۆياتسيا كوميتەتى توراعاسىنىڭ ورىنباسارى سالتانات تومپيەۆا جانە ليتۆانىڭ كولىك جانە كوممۋنيكاتسيا مينيسترلىگى جول جانە اۆياتسيالىق كولىك ساياساتى توبىنىڭ جەتەكشىسى ۆلاديسلاۆ كوندراتوۆيچ اۋە تاسىمالدارى سالاسىنداعى ىنتىماقتاستىق ماسەلەلەرىن تالقىلاپ، تۇراقتى رەيستەردى اشۋ نيەتى كورسەتىلگەن حاتتامامەن الماستى.

«بۇل ماسەلە بويىنشا تۇپكىلىكتى شەشىم ەكى ەلدىڭ كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيالارى ۇشۋعا رۇقسات بەرگەننەن كەيىن قابىلدانادى»، دەلىنگەن ۆەدومستۆونىڭ ءباسپاسوز حابارلاماسىندا.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار