الەم • 13 قازان، 2021

20 ميلليون اۋعاندىق كومەككە مۇقتاج - بۇۇ

53 رەت كورسەتىلدى

اۋعانستاندا گۋمانيتارلىق داعدارىس كۇشەيۋدە. 20 ميلليون اۋعاندىق كومەككە مۇقتاج. بۇل تۋرالى بۇگىن بۇۇ-نىڭ بوسقىندار ىستەرى جونىندەگى جوعارى كوميسسارىنىڭ باسقارماسى (بجكب) ايتتى، دەپ حابارلايدى Egemen.kz بۇۇ-نىڭ جاڭالىقتار سايتىنا سىلتەمە جاساپ.

وسىدان ءبىر اي بۇرىن اۋعانستانداعى گۋمانيترالىق وپەراتسيالاردى جۇرگىزۋگە 606 ميلليون دوللار قاجەت ەكەندىگى ايتىلعان. بۇۇ بۇل سومانىڭ تەك 35 پايىزىن عانا كومەك رەتىندە جيناعان. قاراجات اۋعان ەكونوميكاسىنىڭ تولىقتاي كۇيرەۋىن بولدىرماۋ ءۇشىن قاجەت. بۇۇ-نىڭ باس حاتشىسى انتونيۋ گۋتەرريش بۇل تۋرالى اۋعانستان بويىنشا توتەنشە كەزدەسۋگە جينالعان «ۇلكەن جيىرمالىق» كوشباسشىلارىنا ەسكەرتتى.

«اۋعانستان وزگەرىستى كەزەڭ الدىندا تۇر»، دەدى بۇۇ باس حاتشىسى.

بجكب وكىلى بابار بالوح كابۋلدا ەل ىشىندە قونىس اۋدارعان جۇزدەگەن اۋعاندىققا توتەنشە قولداۋ كورسەتۋ ماقساتىندا باسقارمانىڭ اۋعانستانمەن شەكارالاس ەلدەرىندە لوگيستيكالىق ورتالىقتار قۇرۋمەن اينالىسىپ جاتقانىن مالىمدەدى.

ء«تۇن سالقىن بولا باستادى، سول سەبەپتى ءۇي-جايسىز قالعان ادامدارعا جەدەل تۇردە كومەك قاجەت»، دەدى بالوح.

ونىڭ ايتۋىنشا، كومەك قاجەت ەتەتىن اۋعاندىقتاردىڭ سانى 20 ميلليونعا جەتتى جانە كۇن سايىن كوبەيىپ جاتىر. بۇۇ-نىڭ حابارلاۋىنشا، بۇگىنگى كۇنى اۋعان وتباسىلارىنىڭ تەك بەس پايىزى عانا دۇرىس تاماقتانۋدا. بەس جاسقا دەيىنگى بالالاردىڭ جارتىسىنان استامى اشتىقتىڭ زاردابىن شەگۋدە.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار