كەزدەسۋ بارىسىندا قالا اكىمى قايعىلى وتباسىلارعا كوڭىل ايتىپ, پاتەر كىلتىن تابىس ەتتى. الماتى اكىمدىگىنىڭ باستاماسى سوت شەشىمىن ورىنداۋ بويىنشا قىزمەتتىك بورىشىن ورىنداۋ كەزىندە قازا تاپقان پوليتسەيلەردىڭ وتباسىلارىن قولداۋ ماقساتىندا قابىلدانىپ وتىر.
بيىلعى شىلدە ايىنان باستاپ الاتاۋ اۋداندىق پب جانىنداعى پوليتسيا ءبولىمىنىڭ ۋچاسكەلىك پوليتسيا ينسپەكتورى قىزمەتىن اتقارعان پوليتسيا كاپيتانى نۇربول بايعازيەۆ ىشكى ىستەر ورگاندارىندا 2014 جىلدان بەرگى ارالىقتا قىزمەت ەتىپ كەلگەن. ونىڭ 5 جانە 7 جاستاعى ەكى بالاسى قالدى. ال پوليتسيا مايورى دارحان سۇلەەۆ ىشكى ىستەر ورگاندارىندا 2003 جىلدىڭ قاڭتارىنان باستاپ قىزمەت ەتكەن. وسى جىلدىڭ تامىز ايىنان باستاپ الاتاۋ اۋداندىق پب جانىنداعى پوليتسيا ءبولىمىنىڭ ۋچاسكەلىك پوليتسيا ينسپەكتورى قىزمەتىن اتقارعان ونىڭ كامەلەتكە تولماعان بەس بالاسى قالدى.
