وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, اعىمداعى جىلعى قازاننىڭ 12-دە ساعات 13:52 شاماسىندا ارشالى اۋداندىق پوليتسيا ءبولىمى كەزەكشىلىك بولىمشەسىنە ارشالى كەنتىنىڭ 49 جاستاعى تۇرعىنىنان كورشىسىنىڭ ءۇي اۋلاسىندا ەس-ءتۇسسىز جاتقاندىعى تۋرالى تەلەفون حابارى ءتۇستى.
«وقيعا ورنىنا دەرەۋ جەدەل-تەرگەۋ توبى جەتتى. تەكسەرۋ بارىسىندا ارشالى كەنتىنىڭ 49 جاستاعى تۇرعىنى ءوزىن-ءوزى ورتەپ جىبەرگەنى انىقتالدى. ءولىم تۋرالى جازبا تابىلعان جوق. ەر ادام نۇر-سۇلتان قالاسىنىڭ مەديتسينالىق مەكەمەلەرىنىڭ بىرىندە ەمدەلىپ جاتقان اكەسىمەن بىرگە تۇرعان.
وسى وقيعاعا بويىنشا قىلمىستىق كودەكستىڭ 105-بابى ء«وزىن-ءوزى ولتىرۋگە دەيىن جەتكىزۋ» بويىنشا سوتقا دەيىنگى تەرگەۋ باستالدى. ساراپتاما تاعايىندالدى», دەدى ۆەدومستۆودان.
