ماراپاتتاۋ, گالا-كونتسەرت پەن بايقاۋدىڭ سالتاناتتى جابىلۋى 11-قازاندا «استانا وپەرا» مەملەكەتتىك وپەرا جانە بالەت تەاترىندا ءوتىپ, ءحى حالىقارالىق ۆوكاليستەر بايقاۋىنىڭ قورىتىندىسى جاريا ەتىلدى. بايقاۋ جەڭىپازىنىڭ ەسىمى بەلگىلى بولدى.
بيىل بيبىگۇل تولەگەنوۆانىڭ حالىقارالىق بايقاۋىنىڭ 20 جىلدىعى قازاقستان تاۋەلسىزدىگىنىڭ 30 جىلدىعىمەن سايكەس كەلىپ وتىر. حالىقارالىق بايقاۋ الەمنىڭ ەڭ وزىق ساحنالارىندا ەلىمىزدىڭ اتىن شىعاراتىن جاڭا جۇلدىزداردى جارقىراتادى.
بايقاۋدىڭ گران-پري جۇلدەسى الماتى قالاسىنان كەلگەن جاس ورىنداۋشى, كەرەمەت باريتون داۋىس يەسى دىنمۇحامەد كوشكىنباەۆقا بەرىلدى. سوڭعى وتكەن بايقاۋلاردان كەيىن العاش رەت گران-پري قازاقستاندا قالدى.
ءحى حالىقارالىق ۆوكاليستەر بايقاۋىنىڭ جەءڭىمپازى دىنمۇحامەد كوشكىنباەۆ جەڭىسى ءۇشىن ريزاشىلىعىن ءبىلدىردى. ادىلقازى القاسى ءوزارا كەڭەسپەي, ءبىر اۋىزدان انشىگە جوعارى بالل قويدى.
ادىلقازى القاسىنىڭ قۇرمەتتى مۇشەسى نوۆيچەنكو تامارا دميتريەۆنا: «قازاق حالقى ەرەكشە ءبىر مۋزىكالىق دارىنعا, ۆوكالدىق قابىلەتكە يە. بۇل – ۇلتقا ءتان ەرەكشەلىك. بارلىق قاتىسۋشىلار مىقتى, دايىندىعى جوعارى. مۇنداي مۇمكىندىك ءۇشىن سىزدەرگە راحمەت! قوناقجايلىلىق ءۇشىن ريزاشىلىعىمىزدى بىلدىرەمىز», دەپ اتاپ ءوتتى.
فورو بوناپارت مۋزىكالىق اكادەمياسىنىڭ پروفەسسورى اناتولي گۋسەۆ ەۋروپانىڭ كلاسسيكالىق مۋزىكا بويىنشا بەدەلدى بايقاۋىنا قاتىسۋعا بيبىگۇل تولەگەنوۆانىڭ ۆوكاليستەر بايقاۋىنىڭ ءۇش جەڭىپازىنا شاقىرۋ دايىنداپ جاتقانىن مالىمدەدى. ولار ىرىكتەۋ تۋرىنا قاتىسپاي, شەتەلدىك بايقاۋدا باق سىناپ كورۋگە مۇمكىندىك الادى. اناتولي گۋسەۆ: «اۆسترياداعى فەرۋچچو كارەريني اتىنداعى حالىقارالىق ۆوكالدىق بايقاۋ جەتەكشىلىگى مەن ديرەكتسياسى دىنمۇحامەد كوشكىنباەۆقا (قازاقستان), دە-رەل گابريەلگە (رف) جانە ءنازىر وتابەككە (وزبەكستان) بايقاۋدىڭ بىردەن جارتىلاي فينالىنا قاتىسۋعا 3 سىيلىق ۇسىنۋىما رۇقسات بەردى. ولار 2022 جىلى بولاتىن ىرىكتەۋ تۋرىنا قاتىسپايدى», دەدى.
«استانا وپەرا» مەملەكەتتىك وپەرا جانە بالەت تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى عالىم احمەدياروۆ ءسوز سويلەپ, بيبىگۇل تولەگەنوۆانىڭ ءحى حالىقارالىق ۆوكاليستەر بايقاۋىنىڭ لاۋرەاتى اۋباكيروۆا اسەم تولەگەنقىزىنا ارنايى سىي – قازاق ونەر اكادەمياسىندا وقۋعا سەرتيفيكات بەرگىسى كەلەتىنىن ايتتى.
كسرو مەن قازاقستاننىڭ حالىق ءارتىسى, قازاق بۇلب ۇلى, قازاق ونەرىنىڭ «مارجانى», قازاق حالقىنىڭ ماقتانىشى, تەڭدەسى جوق بيبىگۇل تولەگەنوۆا مەرەيتويلىق بايقاۋدىڭ ۇيىمداستىرۋشىلارى, دەمەۋشىلەرى, سەرىكتەستەرى مەن قاتىسۋشىلارىنا ريزاشىلىعىن ءبىلدىردى. بيبىگۇل تولەگەنوۆا باس دەمەۋشى «سامۇرىق-قازىنا» اق, الەۋمەتتىك سەرىكتەس «Samruk-Kazyna Trust» كورپوراتيۆتىك قورىنىڭ, قر مادەنيەت جانە سپورت مينيسترلىگىنىڭ, نۇر-سۇلتان قالاسى اكىمدىگىنىڭ ءرولىن ەرەكشە اتاپ ءوتتى.
«مەن بارلىق قاتىسۋشىلاردى, دارىندى, بەلسەندى جاس انشىلەردى شىن جۇرەكتەن قۇتتىقتايمىن. بيىلعى بايقاۋ ەرەكشە بولدى. ورىنداۋشىلاردىڭ بارلىعى جوعارى دەڭگەيدە دايىندالعان. ۇزدىك ورىنداۋشىنى تاڭداۋ قيىنعا سوقتى. مۇنىمەن ادىلقازى القاسىنىڭ مۇشەلەرى كەلىسەدى دەپ ويلايمىن. دەگەنمەن, ەڭ مىقتىسى جەڭدى. ءبىز جوعارى ونەر الەمىنە بايقاۋدا جولى اشىلعان جانداردىڭ كاسىبي ومىرىنەن اركەز حاباردارمىز. جاڭا جۇلدىزدار الەمنىڭ وزىق ساحنالارىندا ەلىمىزدىڭ اتىن اسقاقتاتادى. بايقاۋدىڭ قۇرىلۋ كەزەڭدەرىندە ەلباسىنىڭ كورسەتكەن قولداۋىنا العىس بىلدىرەمىن. بۇگىندە بايقاۋعا ەڭ جوعارى دەڭگەيدە كوڭىل بولىنەدى. مەملەكەت باسشىسى قاسىم-جومارت توقاەۆ جازعان حاتىندا بايقاۋعا قاتىسۋشىلارعا اق جول تىلەدى. بۇل بارلىعىمىزعا شابىت بەرەدى. باس دەمەۋشىلەر مەن مادەنيەت جانە سپورت مينيسترلىگىنە ايتار العىسىمىز مول», دەدى سويلەگەن سوزىندە ءحى حالىقارالىق ۆوكاليستەر بايقاۋى ادىلقازى القاسىنىڭ ءتورايىمى, كسرو مەن قازاقستاننىڭ حالىق ءارتىسى, سوتسياليستىك ەڭبەك ەرى, كسرو مەن قازاقستاننىڭ مەملەكەتتىك سىيلىقتارىنىڭ لاۋرەاتى, اكادەميك بيبىگۇل تولەگەنوۆا.
كەيىن ساعات 18.00-دە «استانا وپەرا» مەملەكەتتىك وپەرا جانە بالەت تەاترىندا بيبىگۇل تولەگەنوۆانىڭ ءحى حالىقارالىق ۆوكاليستەر بايقاۋىنىڭ سالتاناتتى جابىلۋى ءوتتى. بايقاۋ جەڭءىپازدارىن ماراپاتتاۋ ءراسىمىنەن كەيىن نۇر-سۇلتان قالاسى اكىمدىگىنىڭ مەملەكەتتىك سيمفونيالىق وركەسترىنىڭ سۇيەمەلدەۋىمەن بايقاۋ لاۋرەاتتارىنىڭ گالا-كونتسەرتى ءوتتى. ديريجەرى – ەربولات احمەدياروۆ.
Samruk-Kazyna Trust باس ديرەكتورىنىڭ ورىنباسارى قالياسقاروۆ سەرعوجا مارات ۇلى: «شىعارماشىلىق بايقاۋ جاس ارتىستەرگە ءوز تالانتىن كوپشىلىككە كورسەتۋگە مۇمكىندىك بەرەدى. سونىمەن بىرگە شارا ءوز باعىن سىناۋشى جاس ۆوكاليستەرگە جول اشادى. بايقاۋ اياسىندا جىل سوڭىنا دەيىن «ەرەكشە» بالالار مەن تۇرمىسى تومەن وتباسىلاردان شىققان جەتكىنشەكتەر ءۇشىن ۆوكال بويىنشا بىرقاتار شەبەرلىك سىنىپتارى وتەدى. ساباقتار وفلاين جانە ونلاين فورماتتا ۇيىمداستىرىلادى. بالالارعا ءوز ءىسىنىڭ كاسىبي ماماندارىنان اقىل-كەڭەس, سونىمەن بىرگە جەتىستىككە جەتكەن انشىلەردەن ۇلگى الۋعا مۇمكىندىك تۋىندايدى».
قازاقستان رەسپۋبليكاسى مادەنيەت جانە سپورت ۆيتسە-ءمينيسترى دءاۋەشوۆ نۇرقيسا مۇرات ۇلى جينالعاندارعا العىس ايتىپ, ءسوز سويلەدى: «جوعارى كلاسسيكالىق ونەر جانكۇيەرلەرى ءۇشىن ادەمى وپەرا مۋزىكاسىنان ءلاززات الىپ, بايقاۋ جەڭىپازدارى مەن لاۋرەاتتارىنىڭ ونەرىنە كۋا بولۋعا, جاس دارىن يەلەرىنىڭ شىعارماشىلىعىنا لايىق باعا بەرۋگە مۇمكىندىك تۋدى».
نۇر-سۇلتان قالاسى اكىمىنىڭ ورىنباسارى ورالوۆ اسحات رازدىق ۇلى: «ءوز تاراپىمىزدان بيبىگۇل تولەگەنوۆانىڭ حالىقارالىق ۆوكاليستەر بايقاۋىن وتكىزۋ باستاماسىنا ارقاشان قولداۋ بىلدىرۋگە ۋادە بەرەمىز».
ۋسمانوۆ راميز بيىلعى بايقاۋعا ءادىلقازى مۇشەسى رەتىندە قاتىسىپ وتىر. ول بايقاۋعا شاقىرىلعانى جانە كلاسسيكالىق ورىنداۋ ءونەرىنىڭ شەبەرلەرىمەن بىرگە ءادىلقازى مۇشەسى ەتىپ سايلانعانى ءۇشىن ريزاشىلىعىن ءبىلدىردى. بۇگىندە راميز ۋسمانوۆ ءا.ناۋاي اتىنداعى مەملەكەتتىك اكادەميالىق ۇلكەن تەاتردىڭ ءسوليسى, وزبەكستان حالىق ءارتىسى.
ەسكە سالايىق, 2021 جىلعى 1-11 قازان ارالىعىندا نۇر-سۇلتان قالاسىندا كسرو مەن قازاقستاننىڭ حالىق ءارتىسى, قازاق بۇلب ۇلى, اكادەميك بيبىگۇل تولەگەنوۆانىڭ حالىقارالىق ۆوكاليستەر بايقاۋى ون ءبىرىنشى مارتە وتكىزىلدى.
