بۇل تۋرالى اتالعان كەڭەس سىرتقى ىستەر مينيسترلەرىنىڭ 6-كەزدەسۋىنەن كەيىن اوىسشك حاتشىلىعىنىڭ اتقارۋشى ديرەكتورى قايرات سارىباي ايتتى.
«سىرتقى ىستەر مينيسترلەرى اۋعانستانعا قاتىستى اۋقىمدى مالىمدەمە قابىلدادى. ول بىرنەشە اسپەكتىنى قامتيدى. ءبىرىنشى كەزەكتە مۇشە مەملەكەتتەر اۋعانستانداعى بەيبىتشىلىك پەن دامۋدى قالپىنا كەلتىرۋ ءاوىسش-ءنىڭ بارلىق ءوڭىرىنىڭ قاۋىپسىزدىگى مەن تۇراقتىلىعى ءۇشىن باستى جاعداي ەكەندىگىن ءبىلدىردى», دەدى ول باق وكىلدەرىنە.
جالپى, اوىسشك حاتشىلىعىنىڭ اتقارۋشى ديرەكتورىنىڭ اتاپ وتۋىنشە, كەزدەسۋگە كەلگەن دەلەگاتسيا باسشىلارى اۋعانستانداعى احۋال وزدەرىن قاتتى الاڭداتاتىندىعىن ايتقان.
«كوشپەلى كەزەڭ قالاي تەزىرەك اياقتالسا, اۋعانستان سوعۇرلىم جىلدام وڭىرارالىق پروتسەستەرگە, ءوزارا بايلانىس پروتسەستەرىنە قوسىلادى. سول ارقىلى ەلدىڭ وركەندەۋ جولىنا تۇسكەندىگىن ەرتەرەك اتاپ وتۋگە مۇمكىندىك تۋادى», دەدى قايرات سارىباي.
