وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 5 قازاندا تۇتانعان قامىس ءورتىن ءسوندىرۋ ءالى جالعاسىپ جاتىر.
بۇگىن, 12 قازاندا جەرگىلىكتى ۋاقىتپەن ساعات 09:00-گە دەيىن تاعى دا 30 گەكتار اۋماقتا قامىس ءورتى سوندىرىلگەن.
«توتەنشە جاعدايلار دەپارتامەنتىنەن جۇمىلدىرىلعان جەكە قۇرامنىڭ كۇشىمەن 20 گەكتارداعى ءورت وشاعى جويىلدى. ال, 10 گەكتار اۋماقتاعى جالىن وزدىگىنەن ءسوندى. ورتەنگەن جەردىڭ جالپى اۋدانى 550 گەكتاردى قۇرادى. ونىڭ ىشىندە 450 گەكتاردى شارپىعان ءورت ءسوندىرىلدى», دەپ حابارلادى دەپارتامەنتتىڭ ءباسپاسوز قىزمەتى.
قازىر كاسپي تەڭىزىنىڭ جاعالاۋىنداعى ءورتتى جويۋعا اتىراۋ وبلىستىق توتەنشە جاعدايلار دەپارتامەنتىنىڭ جەكە قۇرامىنان 34 ادام, 5 تەحنيكا, 4 موتوسورعىش, 1 گەنەراتور, 40 جەڭ, 1 ۇرلەمەلى شاتىر, سونداي-اق و.كوشەكوۆ اتىنداعى اتىراۋ اگرارلىق-تەحنيكالىق كوللەدجىنىڭ 1 ادامى مەن 1 John Deere-6135b تراكتورى تارتىلعان.
