«اقشالى ەمەس فاكتورلاردى تۇراقتاندىرۋ ءۇشىن ۇكىمەت اكىمدەرمەن بىرگە 2021 جىلى قىركۇيەكتە ينفلياتسياعا قارسى شارالار ەنگىزدى. ناتيجەسىندە الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ جيىنتىق ءوسىمى تامىزدا 10,4 پايىزدان 9,6 پايىزعا دەيىن تومەندەدى. بىراق قازاننىڭ العاشقى اپتاسىنداعى قورىتىندى بويىنشا باعا جىل باسىنان بەرى 9,9 پايىز بولدى», دەدى ۇلتتىق بانك باسشىسى ۇكىمەت وتىرىسىندا.
ول الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ وسۋىنە جۇمىرتقا, تاۋىق ەتى, قىرىققابات, قانت جانە سيىر ەتى قىمباتتاۋى اسەر ەتكەنىن ايتتى.
«قىركۇيەكتە ديزەل وتىنى 3,8 پايىزعا قىمباتتادى, كەيبىر ايماقتاردا 10 پايىزدان استى. ءوندىرىس ۇلعايۋىنا, سونداي-اق, ەكسپورتتىڭ توقتاۋىنا قاراماستان, ديزەل وتىنى تاپشىلىعى بايقالادى, بۇل ينفلياتسيالىق قىسىمدى ارتتىرادى جانە باسقا تاۋارلارعا جاناما اسەر ەتەدى. جىلدىق ينفلياتسيا 17 ايماقتىڭ 13-ىندە تەز ءوستى, ال 6 ايماقتا 9 پايىزدان استى», دەدى دوساەۆ.
ۇلتتىق بانك مالىمەتىنشە, ايماقتىق نارىقتاعى باعانى تۇراقتاندىرۋ جانە تاۋار تاپشىلىعىن بولدىرماۋ 2021 جىلى ينفلياتسيانى تەجەۋدىڭ نەگىزگى فاكتورلارى بولادى.
