ەكونوميكا • 12 قازان، 2021

ونەركاسىپتە ىسكەرلىك بەلسەندىلىك ارتتى – ەربولات دوساەۆ

113 رەت كورسەتىلدى

قازاقستان ەكونومكاسىندا ىسكەرلىك بەلسەندىلىك يندەكسى قۇرىلىس پەن قىزمەت كورسەتۋ سالاسىندا باسەڭدەپ، ونەركاسىپتە ارتقان. ۇكىمەت وتىرىسىندا 9 ايدىڭ نەگىزگى ەكونوميكالىق كورسەتكىشتەرى تۋرالى مالىمەت بەرگەن قر ۇلتتىق بانكىنىڭ توراعاسى ەربولات دوساەۆ وسىنداي مالىمەت كەلتىردى، دەپ حابارلايدى Egemen.kz.

«بيىلعى 9 ايدىڭ قورىتىندىسى بويىنشا الەمدە ينفلياتسيالىق قىسىمنىڭ كۇشەيۋىمەن جانە اقشا-كرەديت تالاپتارىن كۇشەيتۋدىڭ كۇتىلۋىمەن قاتار جۇرەتىن الەمدىك ىشكى جالپى ءونىم مەن ىسكەرلىك بەلسەندىلىكتىڭ ءوسۋى بايقالادى. ءۇشىنشى توقساندا الەم ەكونوميكاسى پاندەمياعا دەيىنگى دەڭگەيگە قايتا ورالدى.

ەكونوميكالىق ىنتىماقتاستىق جانە دامۋ ۇيىمىنىڭ بولجامدارى بويىنشا 2021-2022 جىلدارى قالپىنا كەلۋدى جالعاستىرادى. 2021 جىلى الەمدە ىشكى جالپى ءوسىمنىڭ ءوسۋى 5،7%-دى قۇرايدى. ونىڭ ىشىندە قازاقستاننىڭ نەگىزگى ساۋدا سەرىكتەستەرى بولىپ تابىلاتىن ەلدەر اراسىندا ەۋروايماقتا – 5،3%، قىتايدا – 8،5%، رەسەيدە – 2،7% ءوسىم كۇتىلەدى»، دەدى ۇلتتىق بانك توراعاسى.

ونىڭ سوزىنە قاراعاندا، الەمدەگى ىسكەرلىك بەلسەندىلىك يندەكسى 3 اي تومەندەگەننەن كەيىن قىركۇيەكتە قىزمەت كورسەتۋ سەكتورى ەسەبىنەن 52-دەن 53-كە دەيىن ارتقان.

«قازاقستانداعى ىسكەرلىك بەلسەندىلىك يندەكسى قۇرىلىس پەن قىزمەتتەردەگى بەلسەندىلىكتىڭ 49،3-كە جانە 49،1-گە دەيىن تومەندەۋىنە بايلانىستى 49،8-گە دەيىن 0،4 تارماققا تومەندەدى. ونەركاسىپتەگى يندەكس 50،9-عا دەيىن 1،8 تارماققا ءوستى»، - دەدى ەربولات دوساەۆ.

 

 

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار