ەۋروپالىق دەلەگاتسيا ەلدەگى ۇشۋ قاۋىپسىزدىگىن قاداعالاۋ جۇيەسىنىڭ يكاو ستاندارتتارىنا سايكەستىگىن باعالاۋ جانە جەرگىلىكتى اۋە كومپانيالارىنىڭ سەرتيفيكاتتاۋ جانە قاداعالاۋ جۇيەسىنىڭ جۇمىس ىستەۋىن تەكسەرۋ ماقساتىندا كەلدى.
كوميسسيا ساراپشىلارى قر اۆياتسيالىق بيلىگىنىڭ ەلدەگى ازاماتتىق اۋە كەمەلەرىن پايدالانۋشىلاردى باقىلاۋ مەن قاداعالاۋ جۇيەسىن تەكسەرەدى. ساپار ەلدىڭ اۆياتسيالىق بيلىك ورىندارىنىڭ ۇشۋ قاۋىپسىزدىگى قاعيدالارىنىڭ ساقتالۋىن راستاپ قانا قويماي, ۇشۋ قاۋىپسىزدىگى ءۇشىن كەز كەلگەن تاۋەكەلدى انىقتاپ, ولاردى باقىلاۋدا ءتيىمدى شارالار قابىلداي الاتىندىعىن راستاۋعا باعىتتالادى.
مينيستر بۇل باعىتتا كوپ جۇمىس جاسالعانىن جانە ەلدەگى ۇشۋ قاۋىپسىزدىگىن ارتتىرۋ ماسەلەسىندە ىلگەرىلەۋشىلىك بار ەكەنىن اتاپ ءوتتى.
جالپى ازاماتتىق اۆياتسيانى باسقارۋ تاسىلدەرىندە تۇبەگەيلى رەفورما جۇرگىزىلدى. قازىردە قازاقستاننىڭ اۆياتسيالىق اكىمشىلىگى جۇمىس ىستەيدى. ونىڭ نەگىزگى فۋنكتسيالارى - ۇشۋ قاۋىپسىزدىگى مەن اۆياتسيالىق قاۋىپسىزدىك سالاسىنداعى تەحنيكالىق باقىلاۋ مەن قاداعالاۋ. بريتانيانىڭ ازاماتتىق اۆياتسيا اگەنتتىگىمەن (UKCAAi) كەلىسىم جاسالدى. سالانى رەتتەۋدىڭ بۇل جاڭا مودەلى يكاو قۇجاتتارىنا تولىق سايكەس كەلەدى. 2021 جىلعى تامىزدا قر يدم جۇرگىزگەن جۇمىس يكاو ۆاليداتسيالىق ميسسياسى بارىسىندا جوعارى باعالاندى جانە قازاقستاندا يكاو ستاندارتتارىنا سايكەستىك دەڭگەيى 74%-دان 84%-عا دەيىن جەتتى. بۇل ورتاشا الەمدىك كورسەتكىشتەن 15%-عا جوعارى.
يكاو ستاندارتتارىنا سايكەستىك بارلىق كورسەتكىشتەر بويىنشا بايقالادى:
- نەگىزگى اۆياتسيالىق زاڭناما (LEG) 61%-دان 81%-عا دەيىن;
- ازاماتتىق اۆياتسيا ۇيىمى (ORG) 37%-دان 75%-عا دەيىن;
- اەروناۆيگاتسيالىق قىزمەت كورسەتۋ (ANS) 87%-دان 95%-عا دەيىن%;
- اۋە ايلاقتار جانە جەردەگى قۇرالدار (AGA) 56%-دان 90%-عا دەيىن%;
- اۆياتسيالىق وقيعالار مەن ينتسيدەنتتەردى تەكسەرۋ (AIG) 47%-دان 53%-عا دەيىن ءوستى.
ناتيجەسىندە بۇل تۇرعىدان قازاقستان نيدەرلاندى – 87%; بەلگيا – 87%; پورتۋگاليا – 87%; چەحيا – 87%; لاتۆيا – 86%; دانيا – 85%; يسلانديا – 84%; پولشا – 84%; سلوۆەنيا - 82%, كيپر - 82% سياقتى دامىعان ەلدەردىڭ دەڭگەيىنە جەتتى.
