مەديتسينا • 11 قازان، 2021

بيولوگيالىق قاۋىپسىزدىكتى نىعايتۋعا 22 ملرد تەڭگە بولىنەدى

312 رەت كورسەتىلدى

22 ملرد تەڭگەدەن استام قاراجات قازاقستانداعى بيولوگيالىق قاۋىپسىزدىكتى نىعايتۋعا باعىتتالادى. بۇل تۋرالى ماجىلىستەگى ۇكىمەت ساعاتىندا ءسوز سويلەگەن قر دەنساۋلىق ساقتاۋ ءمينيسترى الەكسەي تسوي مالىمدەدى، دەپ حابارلايدى Egemen.kz.

«بيولوگيالىق قاۋىپسىزدىك ۇلتتىق قاۋىپسىزدىك جۇيەسىنىڭ اجىراماس بولىگى بولىپ تابىلادى. مەملەكەت باسشىسىنىڭ تاپسىرماسىنا سايكەس، دەنساۋلىق ساقتاۋ مينيسترلىگى مۇددەلى مەملەكەتتىك ورگاندارمەن بىرلەسىپ بيولوگيالىق قاتەرلەردى ەرتە انىقتاۋعا جانە الدىن الۋعا باعىتتالعان بيولوگيالىق قاۋىپسىزدىك تۋرالى نەگىزگى جانە ىلەسپە زاڭ جوبالارىن ازىرلەدى»، دەدى الەكسەي تسوي.

ۆەدومستۆونىڭ مالىمەتىنشە، زاڭ جوباسى اياسىندا بيولوگيالىق قاۋىپسىزدىكتىڭ نەگىزگى قاۋىپتەرى انىقتالدى:

  1. توتەنشە جاعدايلار;
  2. جۇقپالى اۋرۋلار مەن ودان بولاتىن ءولىم-ءجىتىم دەڭگەيىنىڭ ءوسۋى;
  3. پبا-مەن جۇمىس ىستەۋ جونىندەگى تالاپتاردى بۇزۋ;
  4. تەرروريزم نەمەسە ديۆەرسيا اكتىلەرى.

بيولوگيالىق قاۋىپسىزدىك جۇيەسى بەس نەگىزگى ەلەمەنتكە نەگىزدەلەدى:

  1. بيوقاۋىپتەر مەن بيوقاۋىپتەردى ەسەپكە الۋ جانە مونيتورينگ ارقىلى انىقتاۋ;
  2. بيوقاۋىپسىزدىك سالاسىنداعى مەملەكەتتىك باسقارۋدىڭ بىرىڭعاي جۇيەسى;
  3. كادرلىق رەسۋرستار;
  4. بيوقاۋىپسىزدىك سالاسىنداعى پروفيلاكتيكا;
  5. كوللەكتسيالىق قىزمەت.

«قازىرگى ۋاقىتتا زاڭ جوباسى ماجىلىسكە ەنگىزىلدى، جۇمىس توبى دەپۋتاتتاردىڭ ۇسىنىستارىن پىسىقتاۋدا. بيوقاۋىپسىزدىكتى قامتاماسىز ەتۋ بولىگىندە زاڭ جوباسىمەن 2022-2024 جىلدارعا ارنالعان جالپى سوماسى 25 ملرد تەڭگەدەن اساتىن شىعىستار كوزدەلەدى، ونىڭ ىشىندە 22،7 ملرد تەڭگە، ونىڭ ىشىندە 2022 جىلعا 4،1 ملرد تەڭگە، 2023 جىلعا 11،9 ملرد تەڭگە، 2024 جىلعا 6،6 ملرد تەڭگە قولداۋ كورسەتىلدى»، دەپ ناقتىلادى الەكسەي تسوي.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار