1120 ورىندىق سارايدىڭ كونتسەرت حوللىندا داۋلەتكەرەي اتىنداعى قازاق حالىق اسپاپتارى وركەسترىنىڭ, باتىس قازاقستان وبلىسى اكىمىنگىڭ ەسترادالىق-سيمفونيالىق وركەسترىنىڭ جانە ورال قالاسىنىڭ ورىس حالىق اسپاپتارى وركەسترىنىڭ ورىنداۋىندا وتاندىق جانە الەمدىك كلاسسيكتەردىڭ اتاقتى شىعارمالارى ورىندالدى.
قازاقستاننىڭ كورنەكتى مادەنيەت قايراتكەرلەرى ايمان مۇساقوجاەۆا, ءبىرجان حاسانعاليەۆ, دينا حامزينا, نۇرلان بەكمۇحامبەتوۆ, جاننا ورىنباساروۆا, ەلەنا نيزامۋتدينوۆا جانە جۇلدىزبەك وتەشقاليەۆ مەيماندارعا ءوز ونەرلەرىن پاش ەتتى. ارتىستەر كونتسەرت زالىندا جاسالعان اكۋستيكانىڭ ەرەكشەلىگىن اتاپ ءوتتى.
ورتالىقتىڭ اۋقىمدى كارتينا گالەرەياسىندا نيدەرلاندى جانە يتاليا سۋرەتشىلەرى جۇمىستارىنىڭ كورمەسى, سونداي-اق بقو وبلىستىق تاريحي-ولكەتانۋ مۇراجايىنىڭ ەكسپوزيتسياسى ورنالاسقان. مۇندا وبلىس, ەل سۋرەتشىلەرىنىڭ سۋرەتتەرى جانە حالىقارالىق اۆتورلاردىڭ قىلقالام تۋىندىلارى ۇسىنىلادى.
«اتامەكەن» ونەر سارايىندا كونتسەرتتەر مەن كورمەلەر عانا ەمەس, حالىقارالىق فورۋمدار مەن باسقا دا بۇقارالىق مادەني ءىس-شارالاردى وتكىزۋ جوسپارلانعان.
