فوتو: shutterstock.com
بەيسەنبىدە جەرگىلىكتى ۋاقىت بويىنشا 15.30-دا جولاۋشىلار مەن تاۋار تيەگەن كەمە ناكالا پورتىنان نامپۋلا پروۆينتسياسىنىڭ سولتۇستىگىندەگى مەمبا اۋدانىنا اتتانعان. كەيىن كەمە اۋدارىلىپ, بورتتاعى 60-تان استام ادام سۋعا كەتكەن. كەيبىر مالىمەتتەر بويىنشا, تەك 17 ادام عانا جاعالاۋعا جەتىپ, امان قالعان.
مەمبا اۋداندىق پوليتسياسىنىڭ قولباسشىسى مانۋەلا پارۋلانىڭ ايتۋىنشا, وقيعا ورنىندا مەديتسينا قىزمەتكەرلەرى, پوليتسيا مەن جەرگىلىكتى باسشىلار بولعان. ىزدەستىرۋ-قۇتقارۋ توپتارى زارداپ شەككەندەردىڭ سانىن انىقتاۋ ءۇشىن ىزدەۋ جۇمىستارىن جۇرگىزىپ جاتىر.
«بولجام بويىنشا, اپاتقا اۋا رايىنىڭ قولايسىزدىعى سەبەپ بولعان», دەپ جازادى ۆۆس.
