شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, گلۋبوكوە اۋدانى بەلوۋسوۆكا اۋىلىندا قىزىل كىتاپقا ەنگەن قۇس تابىلعان. پوليتسەيلەر ونى وسكەمەن قالاسىنداعى ۆەتەرينارلىق كلينيكاعا تاپسىردى.
پوليتسياعا حابارلاسقان تۇرعىن اۋىل كوشەلەرىنىڭ بىرىندە ەرەكشە قۇستى كەزدەستىرگەنىن ايتتى. ءوز سوزىندە قاناتتىنىڭ ءبىراز ۋاقىتتان بەرى قوزعالىسسىز وتىرعانىن, كومەككە مۇقتاج بولۋى مۇمكىن ەكەندىگىن جەتكىزگەن. ءتارتىپ ساقشىلارى دەرەۋ اتالعان مەكەنجايعا جول تارتتى.
«ۋچاسكەلىك ينسپەكتور ەركەبۇلان مۇرات ۇلى بىرقازاندى قاراپ شىعىپ, وسكەمەن ۆەتەرينارلىق كلينيكاسىنىڭ ماماندارىن شاقىرتتى. دارىگەرلەر كەلىپ جەتكەنگە دەيىن پوليتسيا قىزمەتكەرى جارالانعان قۇستى اش جۇرگەن قاڭعىباس يتتەردىڭ شابۋىلىنان قورعاعان. كوپ ۇزاماي قىزىل كىتاپقا ەنگەن قۇس بىلىكتى مامانداردىڭ قولىنا تاپسىرىلدى», دەلىنگەن اقپاراتتا.
