«جانۋارلاردى تىركەۋ ءتارتىبى جۇرگىزىلەتىن بولادى, ونى ۆەتەرينارلىق كلينيكالاردا نەمەسە جانۋاردىڭ يەسى دە جاساي الادى. ويتكەنى قازىر تىركەۋگە الۋ زاتىن ۇيدە دەربەس قولدانۋعا بولادى. بارلىق دەرەكتەر ۆەتەرينارلىق كلينيكالار جۇرگىزەتىن مالىمەتتەر بازاسىنا ەنگىزىلەدى. دەگەنمەن تىركەلمەگەن جانۋاردى ۆەتەرينارلىق كلينيكاعا الىپ كەلسە, كەز كەلگەن جاعدايدا وعان قاجەتتى كومەك كورسەتىلەدى. بىراق ەگەر ءۇي جانۋارى تىركەۋگە الىنباسا, وندا وعان اكىمشىلىك جاۋاپكەرشىلىك قاراستىرىلادى. بۇل قازىر قاراستىرىلىپ جاتقان زاڭ جوباسى قابىلدانعان جاعدايدا ورىن الادى», دەدى ءاليا شالابەكوۆا ورتالىق كوممۋنيكاتسيالار قىزمەتىندە وتكەن بريفينگتە.
ەندى ءۇي يەلەرى جانۋارلارىن تىركەتپەسە, 10 اەك (29 170 تەڭگە) كولەمىندە ايىپپۇل تولەۋىنە تۋرا كەلەدى. ەگەر زاڭ بۇزۋشىلىق قايتالانسا, ايىپپۇل كولەمى جوعارىلايدى.
ء«بىز قاڭعىباس مىسىقتار مەن يتتەردى بۇرىن ءۇي جانۋارلارىنا جاتقىزىپ كەلدىك. ەگەر ولار انىقتالىپ, تىركەۋگە الىنسا, وندا, ەرتەڭ ءۇي جانۋارلارى ۇيىنەن قاشىپ نەمەسە اداسىپ قالىپ جاتسا, ولاردى وڭاي تابا الامىز, ەكىنشى جاعىنان, جانۋار سانىنىڭ توقتاۋسىز وسىمىنە جول بەرمەس ءۇشىن دە بۇل شارا قاجەت», دەدى ول.
