ايماقتار • 08 قازان، 2021

كوپبالالى وتباسىلارعا ارناپ ءۇي سالىندى

99 رەت كورسەتىلدى

شىعىس قازاقستاندا كوپبالالى وتباسىلارعا ارنالعان 31 ءۇي سالىندى، دەپ جازادى Egemen.kz.

ايماق باسشىسى دانيال احمەتوۆ شەكارا ماڭىنداعى اۋماقتاردى دامىتۋ باعدارلاماسى اياسىندا زايسان اۋدانىنا جۇمىس ساپارىمەن باردى. بۇل جايىندا ول Facebook جەلىسىندەگى جەكە پاراقشاسىندا جازدى.

«بىرقاتار مەملەكەتتىك باعدارلامالاردى جانە وبلىستىق جوبالاردى ىسكە اسىرۋدا بۇل اۋدان كوش باسىندا تۇر. جەرگىلىكتى حالىقتىڭ 80 پايىزدان استامى ۆاكتسينا سالدىرعان. ءىس-ساپار بارىسىندا جاڭا اربات پەن اللەياعا بارىپ، بەلگىلى ارحەولوگ-عالىم ابدەش تولەۋباەۆپەن بىرلەسىپ بىرنەشە كوشەت وتىرعىزدىق. اۋدان «بىرقاباتتى شىعىس» باعدارلاماسىن جۇزەگە اسىرۋ بويىنشا وڭىردە ەڭ الدىڭعى ورىندا. مۇندا 31 ەكى پاتەرلى ءۇي سالىندى، وعان جاقىن ارادا كوپبالالى وتباسىلار قونىس اۋدارماق»، دەدى دانيال احمەتوۆ.

بيىل 60 پاتەرلى بەسقاباتتى ءۇي پايدالانۋعا بەرىلەدى. وسىعان وراي اۋدانعا قانشا مۇعالىم، دارىگەر جەتىسپەيتىنى ەسەپتەلىپ، ولارعا وسى ۇيدەن پاتەر بولىنبەك.

«قىسقا مەرزىمدە جوندەۋدەن وتكەن زايسان اۋداندىق اۋرۋحاناسىنىڭ فيليالىنا باردىم. قازىر مۇندا پاتسيەنتتەرگە ارنالعان 19 پالاتا بار. اۋرۋحانادا ينفەكتسيالىق ستاتسيونار دا ءوز جۇمىسىن باستايدى. الداعى ۋاقىتتا اۋدان باسشىلىعى قانداي مەديتسينالىق مەكەمەلەر اعىمداعى نەمەسە كۇردەلى جوندەۋ مەن جابدىقتارعا مۇقتاج ەكەندىگى تۋرالى دەرەكتەردى ۇسىنۋى ءتيىس»، دەدى وبلىس اكىمى.

سوڭعى جاڭالىقتار

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار