ۇكىمەت • 08 قازان، 2021

اتىراۋدا پوليپروپيلەن وندىرەتىن كاسىپورىن اشىلادى

48 رەت كورسەتىلدى

قر پرەمەر-ءمينيسترى اسقار مامين «سيبۋر حولدينگ» جاق باسقارما توراعاسى دميتري كونوۆپەن كەزدەسۋ وتكىزدى، دەپ جازادى Egemen.kz.

تاراپتار قازاقستاننىڭ مۇناي-گاز حيمياسى ونەركاسىبىندە ءىرى ينۆەستيتسيالىق جوبالاردى – پوليپروپيلەن جانە پوليەتيلەن ءوندىرىسىن بىرلەسىپ ىسكە اسىرۋ ماسەلەلەرىن تالقىلادى.

اتىراۋ قالاسىنداعى ينتەگراتسيالانعان گاز-حيميا كەشەنىنىڭ بازاسىندا 2022 جىلدىڭ باسىندا قۋاتى جىلىنا 500 مىڭ توننا پوليپروپيلەن وندىرەتىن بىرلەسكەن كاسىپورىن اشۋ جوسپارلانعان.

الداعى ۋاقىتتا قۋاتى جىلىنا 1،25 ملن توننا پوليەتيلەن وندىرەتىن زاۋىت قۇرىلىسىنىڭ بىرلەسكەن جوباسى ىسكە اسىرىلاتىن بولادى.

«اتالعان جوبالار بويىنشا ىنتىماقتاستىقتىڭ بازالىق شارتتارى اياسىنداعى كەلىسىمگە KAZENERGY XIV ەۋرازيالىق  فورۋمى شەڭبەرىندە سيبۋر، «سامۇرىق-قازىنا» اق جانە «قازمۇنايگاز» ۇك» اق اراسىندا قول قويىلدى»، دەپ حابارلايدى ۇكىمەت باسشىسىنىڭ رەسمي سايتى.

ا. مامين مەن د. كونوۆ قاراشىعاناق كەن ورنىندا بىرلەسكەن مۇناي-گاز حيمياسى جوبالارىن ىسكە اسىرۋ، سيبۋر كاسىپورىندارىندا قازاقستاندىق مامانداردى دايارلاۋ پەرسپەكتيۆاسىن جانە ءوزارا ءىس-قيمىلدىڭ باسقا دا ماسەلەلەرىن تالقىلادى.

ايتا كەتەيىك، سيبۋر – شتاتىندا 18 مىڭنان استام ادام جۇمىس ىستەيتىن، شىعىس ەۋروپاداعى ەڭ ءىرى مۇناي-گاز حيمياسى حولدينگى. جىلىنا 2،5 ملن توننا بازالىق پوليمەر شىعاراتىن زاپسيبنەفتەحيم مۇناي-حيميا كەشەنى قۇرىلىسىنىڭ جوباسىن جۇزەگە اسىردى. Sinopec-پەن بىرگە قۋاتى جىلىنا 2،7 ملن توننا پوليەتيلەن مەن پوليپروپيلەندى قۇرايتىن امۋر گاز حيمياسى كەشەنىنىڭ قۇرىلىسىن جۇرگىزىپ جاتىر.

كەزدەسۋگە ەنەرگەتيكا ءمينيسترى ماعزۇم مىرزاعاليەۆ، «سامۇرىق-قازىنا» اق باسقارما توراعاسى الماسادام ساتقاليەۆ، «قازمۇنايگاز» ۇك» اق باسقارما توراعاسى اليك ايدارباەۆ جانە ت. ب. قاتىستى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار