بىرىڭعاي جۇيە سەنىمدى اقتاي الىپ وتىر ما؟

جاقىندا استانادا “نۇر وتان” حدپ جانىنداعى مەملەكەتتىك قىزمەتتەر مەن رۇقسات بەرۋ قۇجاتتارىنىڭ ساپاسى مەن قولجەتىمدىگىن باقىلاۋ جانە مونيتورينگ جونىندەگى رەسپۋبليكالىق قوعامدىق كەڭەستىڭ وتىرىسى ءوتتى. كەڭەس وتىرىسىنا “نۇر وتان” حدپ توراعاسىنىڭ ءبىرىنشى ورىنباسارى نۇرلان نىعماتۋلين, دەنساۋلىق ساقتاۋ ءمينيسترى جاقسىلىق دوسقاليەۆ, پارلامەنت دەپۋتاتتارى, ۇكىمەتتىك ەمەس ۇيىمدار وكىلدەرى قاتىستى, دەپ حابارلادى “نۇر وتان” حدپ-نىڭ ءباسپاسوز قىزمەتى. جيىن بەينەماسليحات تۇرىندە ءوتتى, بۇل جەرگىلىكتى اتقارۋشى ورگان مەن پارتيا فيليالدارى جەتەكشىلەرىنىڭ, مەملەكەتتىك قىز­مەتتەر مەن رۇقسات بەرۋ قۇ­جاتتارىنىڭ ساپاسى مەن قول­جە­تىمدىگىن باقىلاۋ جانە موني­تو­رينگ جونىندەگى ايماقتىق قوعام­دىق كەڭەس مۇشەلەرىنىڭ ماسەلەنى تالقىلاۋعا قاتىسۋىنا مۇمكىندىك تۋعىزدى. قازاقستاندا دەنساۋلىق ساق­تاۋ جۇيەسىن رەفورمالاۋ اياسىندا ۇستىمىزدەگى جىلدىڭ 1 قاڭتارى­نان باستاپ بىرىڭعاي ۇلتتىق دەن­ساۋلىق ساقتاۋ جۇيەسى (بۇدج) ەنگىزىلدى. جاڭا باستاماعا “نۇر وتان” حدپ مونيتورينگ جانە قوعامدىق با­قى­لاۋ جۇرگىزىپ وتىر. وسى ماقساتتا قازاقستاننىڭ مەديتسينالىق ۇيىم­دارىنىڭ بازاسىندا ۇستىمىزدەگى جىل­دىڭ قاڭتارىنان باستاپ پارتيالىق باقىلاۋ پوستىلارى جۇمىس ءىس­تەي­دى. رەسپۋبليكا بويىنشا بار­لىعى 316 پوست قۇرىلعان. مەدي­تسي­نالىق قىزمەتتەردى تۇتىنۋشى حالىقتان, سونداي-اق مەديتسينا قىزمەتكەر­لەرىنىڭ وزدەرىنەن مە­ديتسينالىق قىزمەتتەردىڭ ساپاسى مەن قولجە­تىم­دىگىنە قاتىستى كوپ­تەپ شاعىم­دار تۇسۋىنە بايلانىس­تى بۇدج ەنگىزۋ ماسەلەسى كە­ڭەس­تىڭ مۇقيات باقىلاۋ نىسانىنا اينالدى. اسىرەسە, ەلىمىزدەگى مەديتسينا­لىق مەكەمەلەردى ءدارى-دارمەكپەن قام­تا­ماسىز ەتۋگە باسا نازار اۋدا­رىلدى. ويتكەنى, بۇل ماسەلە الاڭ­داتارلىق جاعدايدا. اعىم­دا­عى جىلدىڭ ال­عاش­قى ايلارىندا دارىلەردىڭ جە­تىسپەۋشىلىگى باي­قال­عان. ورىن العان جاعدايدىڭ ءبىر­دەن-ءبىر سەبەبى – “فارماتسيا” سق, دەنساۋلىق ساقتاۋ مي­نيستر­لىگى جانە جەرگىلىكتى ات­قارۋشى ورگاندار اراسىندا دارىمەن قام­تاماسىز ەتۋ بويىنشا ناقتى مىندەتتەردىڭ انىقتالما­عان­دىعى بولىپ وتىر. نۇرلان نىع­ما­تۋ­لين: ء“بىز ەلىمىزدىڭ مەديتسينالىق مەكە­مە­لەرىندە بارلىق دارىلىك قاجەت­تى­لىك­تەردى ۇزدىكسىز جەتكىزىپ تۇرۋدى قام­تاماسىز ەتۋىمىز كەرەك, ءبىزدىڭ ازا­ماتتارىمىز بۇدان زارداپ شەك­پەۋى ءتيىس. ال قانداي ءبىر ۇلتتىق كومپانيا دەڭگەيىندە, قانداي ءبىر مەكەمەلەرمەن ءتىل تابىسا الماي جاتقانىمىزدان ءبىزدىڭ حالىققا كەلەر پايدا جوق. سول ءۇشىن ءبىز ورتاق ءتيىمدى جول تابۋىمىز قاجەت. ەگەر ۇلتتىق كومپانيا بۇعان دايىن بولماسا, وزىنە ول مىندەتتى الۋعا اسىعۋدىڭ كەرەگى جوق ەدى, ال دايىن بولسا, وندا ءوتىنىش تۇسىرگەن كومپا­نيا­دان, مەديتسينالىق مەكەمەگە ءدا­رى­لەردى جەتكىزۋگە دەيىنگى جۇمىس­قا دايىن ەكەندىكتەرىن ايتۋ كە­رەك. ونداي جاعدايدا جاۋاپكەر­شىلىك تىكەلەي “فارماتسيا” سق جۇكتەلۋى ءتيىس”, – دەدى. كەڭەس وتىرىسىنىڭ قورى­تىن­دىلارى بويىنشا بۇدج ەن­گىزۋ مەحانيزمىن جەتىلدىرۋگە با­عىتتالعان ۇسىنىستار قا­بىل­دان­دى. بۇل ۇسىنىستار دەن­ساۋلىق ساقتاۋ مينيسترلىگى مەن ۇكىمەتكە جول­داناتىن بولادى.