5 قازاندا باياناۋىل اۋدانىندا قولايسىز اۋا رايى بولىپ, بىرنەشە اۋىلدىق وكرۋگكە قار قالىڭ ءتۇستى. اسىرەسە قاراجار اۋىلىن 20-50 سانتيمەترگە جەتەتىن قار باسىپ قالدى. مۇندا ءبىر جارىم ايدا تۇسەتىن قار ءبىر-اق كۇندە جاۋعان. اۋىل تۇرعىندارى قازان ايىنىڭ باسىندا جاۋعان قاردىڭ مولشەرىنە تاڭ قالعاندارىن جاسىرمادى.
«الدىمەن قار ارالاس جاڭبىر جاۋدى, سودان كەيىن ءتۇن بويى بوران بولدى. قاردىڭ قالىڭ جاۋعانىنان اۋلانىڭ ەسىكتەرى جابىلىپ قالعان. تاڭەرتەڭ ەسىكتى اۋلالاردى قازىپ اشۋعا تۋرا كەلدى. قازان ايىندا قاردىڭ وسىنشا قالىڭ جاۋعان ۋاقىتى سوڭعى رەت قاشان بولعانى ەسىمىزدە جوق», دەيدى جەرگىلىكتى تۇرعىندار.
ادامدار بارىنەن بۇرىن اۋا رايىنىڭ قولايسىزدىعىنان جايىلىمدا قالعان مالعا الاڭدادى.
سينوپتيكتەردىڭ مالىمەتىنشە, قازاننىڭ 5-نەن 6-نا قاراعان ءتۇنى باياناۋىل اۋدانىنا عانا ەمەس, ەكىباستۇزعا دا قار جاۋعان.
ال, 7 قازاننان باستاپ پاۆلودار وبلىسىندا كۇن جىلىنادى دەگەن بولجام بار. الداعى كۇندەرى كۇندىز 10-12 گرادۋسقا دەيىن جىلىنادى, ال تۇندە 0-دەن 2 گرادۋسقا دەيىن بولادى دەپ بولجانىپ وتىر.
