ياعني جازبالاردى اۋداندىق پوليتسيا بولىمدەرىندەگى كەزەكشى توپتار مەن وبلىستىق پوليتسيا دەپارتامەنتىنىڭ جەدەل باسقارۋ ورتالىعى قاداعالاپ وتىرادى. بالالاردىڭ قاۋىپسىزدىگىن قامتاماسىز ەتۋ ماقساتىندا وڭىردەگى 550-دەن استام ءبىلىم ورداسىنا ينتەگراتسيالانعان بەينەكامەرالار قويىلعان. 30 كۇندىك دەرەك ساقتالاتىن بەينەباقىلاۋ كامەراسىنان مەكتەپتەردىڭ اۋلاسىنان باستاپ, كىرەبەرىسى مەن دالىزدەرىندە, اسحاناسى مەن فويەسىندە, اكت جانە سپورت زالىندا نە بولىپ جاتقانىنىڭ ءبارىن ناقتى ۋاقىتىمەن كورۋگە بولادى. سوندىقتان ءبىز مەكتەپتەرگە ورناتىلعان بەينەكامەرالار ارقىلى ول جەرگە سىرتتان كەلەتىن قاندايدا ءبىر قاۋىپتى ۋاقىتىندا انىقتاپ, ءتيىستى شارالار قولدانا الامىز دەيدى وبلىستىق پوليتسيا دەپارتامەنتىندەگىلەر.
«سوڭعى كەزدەگى قازان, پەرم قالاسىنداعى مەكتەپتەر مەن وقۋ ورىندارىندا بولعان توتەنشە جاعدايعا بايلانىستى مەملەكەت باسشىسىنىڭ تاپسىرماسى بويىنشا مەكتەپتەردەگى كامەرالاردى جەدەل باسقارۋ ورتالىعىنا قوسۋ بويىنشا تاپسىرما بەرىلگەن بولاتىن. بۇگىنگى تاڭدا 919 مەكتەپتىڭ 61 پايىزى قوسىلدى. ول قاۋىپسىزدىك پەن تارتىپكە شاقىرۋ ءۇشىن ءوز ۇلەسىن قوسادى», دەيدى وبلىستىق پد باستىعى قايرات دالىبەكوۆ.
