اتاپ ايتقاندا, وزگەرىستەردى قك-ءنىڭ 146-بابىنا «رەسمي تۇلعا رەتىندە ارەكەت ەتەتىن ادام» دەگەن ۇيعارىمدى جانە قاتىگەز نەمەسە ادامنىڭ قادىر-قاسيەتىن قورلايتىن قارىم-قاتىناس ءۇشىن قۇقىق بۇزۋشىلىقتىڭ جاڭا قۇرامىن ەنگىزۋ جولىمەن زاڭنامانى بۇۇ ازاپتاۋلارعا قارسى كونۆەنتسياسىنا سايكەس كەلتىرۋ قاجەتتىگىنە بايلانىستى قابىلداۋ جوسپارلانۋدا.
بۇدان بۇرىن ۇكىمەتتىڭ 2021 جىلعى 11 ماۋسىمداعى قاۋلىسىمەن ادام قۇقىقتارى سالاسىنداعى ءبىرىنشى كەزەكتەگى شارالار جوسپارى بەكىتىلگەن بولاتىن.
جوسپاردا قىلمىستىق, قىلمىستىق ءىس جۇرگىزۋ جانە قىلمىستىق-اتقارۋ كودەكستەرىنە كەلەسى وزگەرىستەر مەن تولىقتىرۋلار ەنگىزۋ كوزدەلگەن:
- سوتتالعان ادام اۋىر سىرقاتتانعان كەزدە جازانى وتەۋدى كەيىنگە قالدىرۋدى ۇسىنۋ;
- اۋىر ناۋقاستانۋى سالدارىنان بوساتۋ نەمەسە جازانىڭ نەعۇرلىم جەڭىل تۇرىمەن اۋىستىرۋ تۋرالى سوت قاۋلىسىنىڭ دەرەۋ ورىندالۋى;
- بالا ءۇش جاسقا تولعاننان كەيىن اناسىمەن بىرگە بولۋ مەرزىمىن ۇزارتۋ, ونى مەرزىمنىڭ سوڭىنا دەيىن بوساتقان نەمەسە شارتتى تۇردە مەرزىمىنەن بۇرىن بوساتقان, جازانىڭ وتەلمەگەن بولىگىن جازانىڭ نەعۇرلىم جەڭىل تۇرىمەن اۋىستىرعان جاعدايدا, ءبىر جىل ىشىندە;
- جاۋاپ الۋدىڭ, سونداي-اق سوت وتىرىستارىنىڭ بەينەجازباسىن قامتاماسىز ەتۋ;
- «ازاپتاۋ» ۇعىمىنىڭ ايقىنداماسىن ناقتىلاۋ, سونداي-اق «قاتىگەز قارىم-قاتىناس» ايقىنداماسىن ەنگىزۋ (بالالارمەن جانە مۇگەدەك ادامدارمەن الەۋمەتتىك مەكەمەلەر);
- توتەنشە قاۋىپسىزدىك مەكەمەلەرىن تاراتۋ ارقىلى بۇرىن سوتتالعانداردى ءبىرىنشى رەت سوتتالعانداردان بولەك ۇستاۋدى قامتاماسىز ەتۋ جولىمەن جۇزەگە اسىرىلادى.
ۇسىنىلعان وزگەرىستەردىڭ تولىق جوباسىن «اشىق نقا» سايتىنان كورۋگە بولادى, وندا قۇجات 19 قازانعا دەيىن جاريا تالقىلاۋ ءۇشىن ورنالاستىرىلعان.
