تاراپتار كەزدەسۋ بارىسىندا ءححى عاسىردا الەمدىك قاۋىمداستىق كوپتەگەن سىن-قاتەرلەرمەن بەتپە-بەت كەلگەنىن, ونىڭ ىشىندە الەۋمەتتىك جانە دىنارالىق قاقتىعىستارعا سەبەپ بولاتىن ءدىني ەكسترەميزمنىڭ بەلەڭ العانىن اتاپ ءوتتى. بۇل رەتتە قوردالانعان ماسەلەلەردى شەشۋدىڭ ءتيىمدى ستراتەگياسىن ازىرلەۋ, سونداي-اق, دىندەر مەن كونفەسسيالاردىڭ, ۇلتتار مەن ۇلىستاردىڭ ۇندەستىكتە ءومىر ءسۇرۋىن قامتاماسىز ەتۋ ماڭىزدى جۇمىستاردىڭ ءبىرى.
قىرىمبەك كوشەرباەۆ ايماقتىق جانە جاھاندىق دەڭگەيدەگى كونفەسسياارالىق ديالوگتى نىعايتۋ ءبىزدىڭ ەل ۇستانعان ساياساتتىڭ باسىم باعىتتارىنىڭ ءبىرى ەكەنىن ايتتى. قازاقستان وسىدان 20 جىلعا جۋىق ۋاقىت بۇرىن الەمدىك جانە ءداستۇرلى دىندەر كوشباسشىلارىنىڭ سەزدىن وتكىزۋ تۋرالى ستراتەگيالىق ۇسىنىسىن جاريالاعان بولاتىن. بۇل ءبىزدىڭ ەلىمىزدىڭ رۋحاني كوشباسشىلارمەن سىندارلى ديالوگ ورناتۋعا, زاماناۋي سىن-قاتەرلەرگە قارسى بىرلەسكەن ءتيىمدى جاۋاپ تابۋعا ۇمتىلىسىن دالەلدەيدى.
قىرىمبەك كوشەرباەۆ شەيح-ۋل-يسلام اللاحشۇكىر پاشا-زادەگە الەمدىك جانە ءداستۇرلى دىندەر كوشباسشىلارى سەزدىنىڭ جۇمىسىنا ۇنەمى ءارى بەلسەندى قاتىسىپ كەلە جاتقانىنا, كاۆكاز مۇسىلماندارى باسقارماسىنىڭ كونفەسسياارالىق جانە دىنارالىق ديالوگتى ىلگەرىلەتۋگە قاتىستى قازاقستاننىڭ ۇسىنىستارىن قولداپ وتىراتىنىنا ريزاشىلىعىن ءبىلدىردى.
