شىمكەنتتىڭ جوعارى الەۋەتىن تانىستىرا كەلە پولشالىق كاسىپكەرلەردى قالاعا ينۆەستيتسيالىق جوبالاردى جۇزەگە اسىرۋعا شاقىردى.
فورۋمدى قازاقستان ەلشىلىگى مەن Kazakh Invest ۇلتتىق كومپانياسى پولشانىڭ كاسىپكەرلىك جانە تەحنولوگيالار مينيسترلىگىنىڭ, سونداي-اق پولشانىڭ ينۆەستيتسيالار جانە ساۋدا اگەنتتىگىنىڭ قولداۋىمەن پولشانىڭ بيزنەس كەڭەسىمەن بىرلەسىپ ۇيىمداستىردى. وعان اۋىل شارۋاشىلىعى, ەنەرگەتيكا, قۇرىلىس جانە قۇرىلىس ماتەريالدارىن ءوندىرۋ, تاماق, حيميا, تاۋ-كەن مەتاللۋرگيا جانە فارماتسەۆتيكا ونەركاسىبى سالالارىنىڭ وكىلدەرى بولىپ تابىلاتىن قازاقستاندىق جانە پولياك كومپانيالارى قاتىسۋدا.
فورۋمنىڭ ماقساتى قازاقستان مەن پولشا اراسىنداعى ساۋدا-ەكونوميكالىق, ينۆەستيتسيالىق ىنتىماقتاستىقتى كۇشەيتۋ, ەكى ەلدىڭ ىسكەرلىك سەرىكتەستەرى اراسىنداعى قولدانىستاعى بايلانىستاردى نىعايتۋ جانە جاڭالارىن جولعا قويۋ, ينۆەستيتسيالىق جوبالاردى تانىستىرۋ بولىپ تابىلادى.
