اۋەجايدىڭ ءباسپاسوز قىزمەتى الىپ ۇشاقتىڭ قوناعانىن راستادى. ول جانارماي قۇيۋ ءۇشىن توقتادى. قازىر قايتا ۇشىپ كەتتى. حابارلاندىرۋدا قاي جاققا باعىت العانى ايتىلمادى.
ەسكە سالايىق, ان-225 «مريا» ۇشاعى الماتىعا وتكەن جىلدىڭ كوكتەمىندە قوناعان بولاتىن. ول كەزدە بورت قىتايدىڭ تيانتسزين اۋەجايىنا COVID-19 قارسى كۇرەس قۇرالدارى مەن مەديتسينالىق قۇرال-جابدىق الۋ ءۇشىن اتتانعان.
ان-225 «مريا» - و.ك.انتونوۆ اتىنداعى تاجىريبەلىك-كونسترۋكتورلىق بيۋروسى جاساعان اسا اۋىر جۇك تاسىمالداۋشى كولىكتىك رەاكتيۆتى ۇشاق. الەمدەگى ەڭ ۇلكەن ۇشاق بولىپ سانالادى.
1984-1988 جىلدارى كيەۆ مەحانيكالىق زاۋىتىندا جوبالانىپ سالىنعان.
1988 جىلى 21 جەلتوقساندا ول العاش رەت ۇشتى. 1989 جىلى مامىردا ۇشاقتىڭ «بوران» عارىش كەمەسىمەن بىرگە بايقوڭىرعا ۇشۋى بولدى, ال ماۋسىمدا ۇشاق «بۋرانمەن» بىرگە لە برۋجە اۆياتسيالىق سالونىنا قاتىستى.
قازىرگى تاڭدا ان-225 «انتونوۆتىڭ اۆياجەلىلەرى» اۋە كومپانياسىنىڭ قۇرامىندا كوممەرتسيالىق جۇك تاسىمالدارىندا قولدانىلۋدا. ساعاتىنا 850 شاقىرىم جىلدامدىقپەن ۇشا الادى.
