«قازىرگى ۋاقىتتا ەسىرتكى زاتتارىنىڭ زاڭسىز جارناماسى ءتۇرلى فورماعا بەيىمدەلگەن. ولاردىڭ قاتارىندا گراففيتتي, سۋرەت, بارلىق باسپا ونىمدەرى, ۇنپاراق, جاپسىرما بار. ءتىپتى, بيلبوردتارعا QR-كود تاڭبالاۋ ارقىلى زاڭسىز جارنامانى تاراتۋ فاكتىسى دە تىركەلىپ وتىر. مۇنداي جارنامالاردى دا انىقتاپ جاتىرمىز. وقىتۋ سەمينارلارىن دا وتكىزەمىز. كوممۋنالدىق قىزمەت وكىلدەرىمەن كەزدەسىپ, مۇندا جارنامالاردى قالاي انىقتاۋ كەرەكتىگىن, نەگە نازار اۋدارۋ قاجەتتىگىن تۇسىندىرەمىز. ۇكىمەتتىك ەمەس ۇيىمداردى, كورپوراتيۆتىك قورلاردى, ۆولونتەرلەردى جۇمىلدىرۋدامىز, ولار رەيدتەر جۇرگىزەدى», دەدى سەرگەي يلينىح.
ونىڭ ايتۋىنشا, جىل باسىنان بەرى ەلوردا اۋماعىندا سينتەتيكالىق ەسىرتكى ازىرلەۋمەن اينالىساتىن 3 زەرتحانا جۇمىسى اشكەرەلەنگەن. سونىمەن قاتار ەسىرتكى وسىمدىگىن ءوسىرۋدىڭ 2 فاكتىسى تىركەلدى.
«ياعني, سينتەتيكالىق ەسىرتكى ازىرلەۋشىلەرمەن قاتار ءۇي جاعدايىندا پسيحيكالىق بەلسەندى زاتتارى بار وسىمدىك وسىرەتىن ادامدار دا بار. قازىر تەرگەۋ جۇرگىزىلىپ جاتىر», دەدى ول.
