الەم • 05 قازان، 2021

الجير فرانتسيانى ايىپتادى

104 رەت كورسەتىلدى

الجير ءوزىنىڭ بۇرىنعى وتارلىق بيلەۋشىسى – فرانتسيانى گەنوتسيد ۇيىم­داستىردى دەپ ايىپتاپ، فران­­تسيا پرەزيدەنتى ەممانۋەل ماك­رون­­نىڭ نەگىزسىز پىكىرى ءۇشىن پاريج­دەگى ەلشىسىن ەلگە قايتارىپ الدى.

سونىمەن قاتار، الجير ۇكىمەتى فرانتسۋز اسكەري ۇشاقتارىنا اۋە كەڭىستىگىنەن وتۋگە تىيىم سالدى. فرانتسيا ۇشاقتارى باتىس افريكاداعى ساحەل اۋدانىندا قارۋلى توپپەن كۇرەسىپ جاتقان اسكەرىنە بارۋ ءۇشىن الجير اۋماعى ارقىلى ۇشاتىن. فرانتسۋز اسكەرىنىڭ وكىلى پولكوۆنيك پاسكال يانني «بۇگىنگى ۇشۋ جوسپارىمىزدى حابارلاعاندا الجيرلىكتەردىڭ ءوز اۋماعىنان ۇشۋعا تىيىم سالعانىن بىلدىك»، دەدى. الايدا الجير ۇكىمەتى جاڭا ەرەجەگە قاتىستى تۇسىنىكتەمە بەرگەن جوق. ال فرانتسيانىڭ وتار ەلدەرگە قاتىستى قىلمىسىن ادامزاتقا جاسالعان قاستاندىق جانە گەنوتسيد دەپ تانۋ كەرەكتىگى تۋرالى ويىن اشىق ءبىلدىردى.

فرانتسيانىڭ ءىرى باسىلىمدارىنىڭ ءبىرى – Le Monde پرەزيدەنت ە.ماكروننىڭ الجيرگە قاتىستى سىني پىكىرىن جاريالادى. وندا ساياساتكەر ء«الجيردىڭ باسقارۋ جۇيەسى – اسكەري-ساياسي جۇيە. ال ەلدىڭ رەسمي تاريحى تولىقتاي قايتا جازىلعان. ول شىندىققا نەگىزدەلمەگەن. بۇل تولىقتاي فرانتسيانى جەك كورۋدىڭ نەگىزىندە جازىلعان»، دەپتى ەممانۋەل ماكرون. باسىلىم پرەزيدەنتتىڭ ويى تۇگەل حالىققا ەمەس، بيلىك باسىنداعى ساياسي ەليتاعا قاتىستى ەكەنىن ەسكەرتىپ جازعان.

الجير بيلىگى پاريجدەگى ەلشىسىن قايتارۋعا ماكروننىڭ ناقتى قاي ايىبى سەبەپ بولعانىن ناقتى ايتپادى. وعان قوسا، ماكرون الجير فرانتسيادان 1962 جىلى عانا تاۋەلسىزدىك العانىن، سوندىقتان الجير دەگەن ۇلتتىڭ فرانتسيا كولونياسىنا دەيىن بولعانى كۇماندى ەكەنىن دە ايتقان. الجير ۇكىمەتى بولسا، بۇل مالىمدەمە شەكتەن شىعۋ ەكەنىن مالىمدەگەن. ال الجير بيلىگىندەگى باسقارۋشى ەليتانىڭ كوبى ەلدى فرانتسيادان ازات ەتۋ سوعىسىنىڭ ارداگەرلەرى ەكەنى بەلگىلى.

«ماكروننىڭ سايلاۋالدى ناۋقانىندا وڭشىل­داردىڭ قولداۋىن تاپقىسى كەلەتىنى جانە سول جولدا بارلىق قۇرالعا جۇگىنەتىنى ايدان انىق. ولاردىڭ ءبىرى الجير تاريحىن كەلەمەجدەپ، قارالاۋ ەكەنى دە بەلگىلى. ءبىز ءۇشىن بۇل ارەكەت – باسسىزدىق»، دەدى ەكس-مينيستر سالاح ابدەلكريم.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار