نەگىزگى باسىمدىقتاردىڭ ءبىرى تۇرعىن ۇيگە قول سۇعىلماۋشىلىق كەپىلدىگىن كۇشەيتۋگە ارنالدى. باقىت نۇرمۇحانوۆتىڭ ايتۋىنشا, كونستيتۋتسيانىڭ 28-بابىنىڭ 1-تارماعىنا ەنگىزىلگەن تولىقتىرۋلار تەك تۇرعىن ۇيدەن ايىرۋعا عانا ەمەس, سوت شەشىمىنسىز تۇرعىن ۇيدەن شىعارۋعا دا تىيىم سالۋدى كوزدەيدى. سونىمەن قاتار تۇرعىن ۇيگە باسىپ كىرۋ, ونى قاراپ-تەكسەرۋ نەمەسە ءتىنتۋ تەك زاڭدا بەلگىلەنگەن جاعدايدا جانە كوزدەلگەن تارتىپپەن عانا مۇمكىن بولادى.
سەرىك ەگىزباەۆ: جاڭا كونستيتۋتسيا قوعام سۇرانىسىنا جاۋاپ بەرەدى
وتىرىستا جاڭا كونستيتۋتسيانىڭ كۇشىنە ەنۋ مەرزىمدەرى مەن 1995 جىلعى كونستيتۋتسيانىڭ قولدانىسىن توقتاتۋ ءتارتىبىن ايقىندايتىن نورمالار دا قوسىمشا قاراستىرىلعانى ايتىلدى. سونداي-اق بىرقاتار ەرەجەلەر ءبىر پالاتالى قۇرىلتايعا كوشۋ جانە ونى سايلاۋ ماسەلەلەرىن رەتتەۋگە باعىتتالعان. سپيكەردىڭ سوزىنشە, نورمالاردىڭ تاعى ءبىر بولىگى لاۋازىمدى تۇلعالاردى تاعايىنداۋ ءتارتىبى مەن جاڭا مەملەكەتتىك ورگانداردى قالىپتاستىرۋعا قاتىستى.
«كونستيتۋتسيالىق كەڭەس پەن كونستيتۋتسيالىق سوتتىڭ بۇرىن قابىلدانعان نورماتيۆتىك قاۋلىلارى اتا زاڭعا قايشى كەلمەيتىن بولىگىندە زاڭدى كۇشىن ساقتايتىنىن اتاپ وتكىم كەلەدى», دەدى باقىت نۇرمۇحانوۆ.
جاڭا كونستيتۋتسيادا وتپەلى كەزەڭنىڭ بارلىق راسىمدەرى ناقتى جازىلادى
ءسوز سوڭىندا ول كونستيتۋتسيا جوباسىنىڭ ماتىندەرى مۇقيات پىسىقتالعانىن جەتكىزدى.
«مەملەكەتتىك جانە ورىس تىلدەرىندەگى ماتىندەر بارىنشا جەتىلدىرىلدى. تەرمينولوگيالىق جانە سەمانتيكالىق بىرىزدىلىك قامتاماسىز ەتىلدى. قۇقىقتىق نورمالار قولجەتىمدى, مازمۇنى بارشاعا تۇسىنىكتى ەتىپ جازىلعان. بۇل باعىتتا زاڭگەرلەر مەن لينگۆيست مامانداردان قۇرالعان جۇمىس توپتارى اۋقىمدى جۇمىس اتقاردى. جاڭا كونستيتۋتسيانىڭ پىسىقتالعان جوباسى كوميسسيا مەن جۇمىس توپتارىنىڭ وتىرىستارىندا جان-جاقتى تالقىلانىپ, قولداۋ تاپتى. كوميسسيا مۇشەلەرىنىڭ ازاماتتارمەن جانە زاڭ قوعامداستىعى وكىلدەرىمەن وتكىزگەن كەزدەسۋلەرىندە دە وڭ پىكىرلەر ايتىلدى», دەپ تۇيىندەدى ول.
