جوبا اسىرەسە جوعارى سىنىپ وقۋشىلارىنىڭ كوزقاراسىن وزگەرتتى. ولار سمارتفوننىڭ وقۋ ۇدەرىسىنە كەدەرگى كەلتىرەتىنىن ءتۇسىنىپ, مەكتەپ قابىرعاسىندا گادجەتسىز جۇرۋگە بىرتىندەپ داعدىلانىپ كەلەدى. بۇل ءۇردىس ءتارتىپ پەن ءوزىن-ءوزى باقىلاۋ مادەنيەتىنىڭ قالىپتاسۋىنا دا ىقپال ەتىپ وتىر.
سونىڭ ءبىرى – №82 «دارىن» مامانداندىرىلعان ليتسەيى. ليتسەي ديرەكتورىنىڭ تاربيە ءىسى جونىندەگى ورىنباسارى ءلاززات تاجدەنقىزىنىڭ ايتۋىنشا, جوبا ەنگىزىلگەلى بەرى وقۋشىلاردىڭ كۇندەلىكتى ادەتى ايتارلىقتاي وزگەرگەن.
«بۇرىن ءۇزىلىس كەزىندە وقۋشىلاردىڭ باسىم بولىگى تەلەفونعا ءۇڭىلىپ وتىراتىن. قازىر ولاردىڭ قولىنان كىتاپ ءجيى كورىنەدى. وقۋشىلارىمىز گادجەتتەن الىستاعالى بەرى ءبىلىم ساپاسىندا دا وڭ وزگەرىستەر بايقالا باستادى. بالالار ءبىر-بىرىمەن كوبىرەك سويلەسەدى, ساباققا زەيىنى ارتتى», دەيدى ول.
جوبا اياسىندا كوپتەگەن مەكتەپتە ورتاق ءتارتىپ ەنگىزىلگەن. وقۋشىلار ساباق باستالار الدىندا ۇيالى تەلەفوندارىن ارنايى ۇياشىقتارعا نەمەسە ساقتاۋ ورىندارىنا تاپسىرادى. ساباق اياقتالعان سوڭ عانا قۇرىلعىلارىن قايتا الادى. بۇل ءتاسىل بالالاردىڭ نازارىن تولىقتاي وقۋعا اۋدارۋعا مۇمكىندىك بەرىپ وتىر.
قازىرگى تاڭدا استانا مەكتەپتەرىنىڭ بارلىعىندا دەرلىك «سمارتفونسىز مەكتەپ» جوباسى ىسكە اسقان. رەسمي مالىمەتكە سايكەس, قالا مەكتەپتەرىنىڭ شامامەن 40 پايىزىندا وقۋشىلار ساباق كەزىندە تەلەفون قولدانۋدان سانالى تۇردە باس تارتقان. ماماندار بۇل كورسەتكىش الداعى ۋاقىتتا تاعى دا وسەدى دەپ وتىر.
وسىلايشا, «سمارتفونسىز مەكتەپ» باستاماسى زاماناۋي ءبىلىم بەرۋ جۇيەسىندە تاربيە مەن ءتارتىپتى ۇشتاستىرىپ, وقۋشىنىڭ زەيىنى مەن ءبىلىم ساپاسىن ارتتىرۋعا باعىتتالعان ماڭىزدى قادامعا اينالىپ كەلەدى.
