جيىنعا قاتىسۋشىلار جاڭا كونستيتۋتسيا جوباسىن ءبىراۋىزدان قولداپ, ونىڭ نەگىزگى قاعيدالارىن كەڭىنەن ءتۇسىندىرۋ مەن قوعامدىق تالقىلاۋعا جاستار ۇيىمدارىنىڭ بەلسەندى اتسالىسۋىنىڭ ماڭىزىن ەرەكشە ايتتى. سونىمەن قاتار, بىرلىك, كەلىسىم جانە ازاماتتىق جاۋاپكەرشىلىك قۇندىلىقتارىن ىلگەرىلەتۋ قاجەتتىگىنە نازار اۋدارىلدى.
«اسسامبلەيا جاستارى» رقب توراعاسى, كونستيتۋتسيالىق رەفورما جونىندەگى كوميسسيا مۇشەسى تيمۋر دجۋمۋرباەۆ جاڭا كونستيتۋتسيا جوباسى حالىق مۇددەسىن شىنايى بەينەلەيتىنىن اتاپ ءوتتى. ونىڭ ايتۋىنشا, بۇل قۇجات جاستاردى شەشىم قابىلداۋ ۇدەرىستەرىنە بەلسەندى تارتۋعا جول اشىپ, جاستار ۇيىمدارىنىڭ جالپىۇلتتىق ديالوگتى دامىتۋ مەن ەل بىرلىگىن نىعايتۋداعى ءرولىن كۇشەيتەدى.
«اۋىل» پارتياسى قاراعاندى وبلىستىق فيليالى جاڭا كونستيتۋتسيا جوباسىن قولدادى
ستۋدەنتتىك اسسامبلەيالار توراعاسى الەكساندر ۋرماشوۆ ستۋدەنتتىك قاۋىمداستىق اتىنان ءسوز سويلەپ, كونستيتۋتسيالىق باستامالاردى جاستار اراسىندا تالقىلاۋ ولاردىڭ سانالى ازاماتتىق ۇستانىمىن قالىپتاستىرىپ, ەل بولاشاعىنا دەگەن جاۋاپكەرشىلىگىن ارتتىراتىنىن جەتكىزدى.
بقو بويىنشا «اسسامبلەيا جاستارى» رقب وكىلدىگىنىڭ توراعاسى ەلگۋن دجاناليەۆ وڭىرلىك جاستار ۇيىمدارىنىڭ قۇقىقتىق ديالوگ مادەنيەتىن دامىتۋداعى رولىنە توقتالسا, پاۆلودار وبلىستىق وكىلدىك توراعاسى راميل سمايلوۆ جاڭا كونستيتۋتسيا جوباسى عىلىم مەن ءبىلىم قۇندىلىقتارىن نىعايتۋعا جانە ادامي كاپيتالدى دامىتۋعا جاڭا مۇمكىندىكتەر بەرەتىن ماڭىزدى پلاتفورما ەكەنىن ايتتى.
جاڭا كونستيتۋتسيادا وتپەلى كەزەڭنىڭ بارلىق راسىمدەرى ناقتى جازىلادى
استانا قالاسىنداعى وكىلدىك توراعاسى لاريسا پاك قوعامدىق-ساياسي رەفورمالاردى تالقىلاۋدا اشىق پىكىرتالاس پەن ينكليۋزيۆتى ءوزارا ءىس-قيمىل الاڭدارىنىڭ ماڭىزىن جەتكىزدى.
جيىن قورىتىندىسىندا جاڭا كونستيتۋتسيا جوباسىن قولداۋعا باعىتتالعان «اسسامبلەيا جاستارى» رقب ۇندەۋى قابىلداندى.
ء«بىز, «اسسامبلەيا جاستارى» رەسپۋبليكالىق قوعامدىق بىرلەستىگىنىڭ مۇشەلەرى, ەلىمىزدىڭ بولاشاعى ءۇشىن تاريحي جاۋاپكەرشىلىكتى تەرەڭ سەزىنە وتىرىپ, جاڭا نەگىزگى زاڭ جوباسىن ءبىراۋىزدان جانە تولىق قولدايمىز. قازاقستان جاستارى ءۇشىن جاڭا كونستيتۋتسيانى قابىلداۋ ەرەكشە ماڭىزدى, ءارى شەشۋشى مانگە يە. بۇل – تەك بۇگىنگى كۇنگە عانا ەمەس, ەڭ الدىمەن كەلەشەك ۇرپاققا ارنالعان ماڭىزدى قۇجات.
بىزگە, جاستار ءۇشىن, بۇل – ءوزىن-ءوزى جۇزەگە اسىرۋ مۇمكىندىكتەرىن كەڭەيتۋدىڭ, قوعامدىق ومىرگە بەلسەندى قاتىسۋدىڭ جانە ەل دامۋىنا جاۋاپكەرشىلىكپەن اتسالىسۋدىڭ بەرىك نەگىزى. كونستيتۋتسيا جوباسى – ادامدى باستى قۇندىلىق رەتىندە ايقىندايتىن, كەمەلدەنگەن, ورنىقتى مەملەكەتتىڭ مالىمدەمەسى. جاڭا نەگىزگى زاڭنىڭ وزەگىندە ادامعا باعىتتالعان قاعيدات الىنعان.مەملەكەت «زاڭ مەن ءتارتىپ» قاعيداتىنا مىزعىماس ادالدىعىن راستايدى, ال ادىلەتتى قازاقستان يدەياسى بۇكىل كونستيتۋتسيالىق قۇرىلىمنىڭ يدەولوگيالىق نەگىزى رەتىندە قالانادى.
ستراتەگيالىق باسىمدىقتار رەتىندە ادامي كاپيتالدى, ءبىلىم بەرۋدى, عىلىم مەن يننوۆاتسيانى دامىتۋدى ايقىنداۋ ۇسىنىلادى. بۇل تۇجىرىمنىڭ استارىندا ماڭىزدى باعىت بار – ەلدىڭ باستى رەسۋرسى رەتىندە ءبىلىمنىڭ ءرولىن كۇشەيتۋ. بۇل قازاقستاننىڭ قانداي دامۋ جولىن تاڭداعانىن جانە قوعام ءومىرىنىڭ نەگىزىنە قانداي قۇندىلىقتار قالاناتىنىن ايقىن كورسەتەتىن ناقتى بەلگى. ءبىز ءۇشىن كونستيتۋتسيا جوباسىندا جاۋاپتى ءارى جاسامپاز پاتريوتيزم يدەياسىنىڭ مەملەكەت نەگىزىن قۇرايتىن باستى قاعيداتتاردىڭ ءبىرى رەتىندە كورىنىس تابۋى ەرەكشە ماڭىزدى. ءدال وسى جاسامپاز پاتريوتيزم, ەڭبەكقورلىق پەن ماقساتقا ۇمتىلۋشىلىق قازىرگى جاستار ءۇشىن تابىسقا باستايتىن نەگىزگى باعدار بولۋى ءتيىس. وسىعان بايلانىستى ءبىز ەلىمىزدە جۇرگىزىلىپ جاتقان رەفورمالاردى ءبىراۋىزدان قولدايتىنىمىزدى نىق سەنىممەن مالىمدەيمىز جانە قازاقستان جاستارىن جاڭا كونستيتۋتسيا جوباسىن قولداۋعا شاقىرامىز», دەلىنگەن ۇندەۋدە.باس رەداكتورلار كلۋبى جاڭا كونستيتۋتسيا جوباسىن قولدايتىنىن مالىمدەدى
